全城轟造馬 揚言憑良心
嘟姐兩票選港姐 孭黑鑊
鄭裕玲（嘟姐）前晚擔任港姐評判，被無綫安排她以決定性一票選出港姐冠軍，結果嘟姐選出被指樣貌和表現欠佳的5號雷莊𠒇摘后冠，被網民鬧爆是一人選舉。慘成箭靶孭鑊的嘟姐昨強調是憑良心投票，認為雷莊𠒇表現很好：「我檢討過我有冇做錯㗎？調轉唔跟自己心唔選5號都會俾人話。」出爐港姐冠軍雷莊
【出爐港姐】
23歲的雷莊𠒇前晚在一片爭議聲中奪得港姐后冠。
新一屆港姐前晚誕生，23歲雷莊𠒇奪得冠軍，亞軍和季軍分別為何依婷和黃瑋琦。今年港姐放棄過往三年由觀眾一人一票選出港姐三甲，改由鄭裕玲、苗僑偉、宣萱及草蜢等10位評判投票，其中擔任「校長」的嘟姐更有另外決定性一票話事權。當何依婷和雷莊𠒇爭冠時，本來何依婷以4:3領先雷莊𠒇（兩位佳麗的導師不能投票，故共得8票），但嘟姐指雷莊𠒇表現較佳，於是連投她兩票，造就雷莊
【扭轉乾坤】
鄭裕玲以決定性一票選雷莊𠒇為港姐冠軍，被網民狂轟。電視圖片
【落後一票】
何依婷（左）本以4票領先3票的雷莊𠒇。電視圖片
收投訴黑箱作業
然而，不少網民指雷莊𠒇似足《踩過界》的蔡思貝和電影《食神》中莫文蔚演的雞姐，由於何依婷不論表現和樣子也比雷莊𠒇優勝，因而鬧爆賽事太過兒嬉，直斥今次其實是「嘟姐選舉」和「小圈子選舉」，大鬧賽果造馬。嘟姐今次慘成箭靶，為無綫孭了黑鑊。通訊事務管理局昨日共接獲20宗有關港姐投訴，內容是賽果不公、黑箱作業、有誤導觀眾及有植入式廣告之嫌；與此同時，無綫亦接獲9個對賽果不滿意的投訴。
被指一人玩晒的嘟姐，昨日在商台節目《口水多過浪花》回應說：「我係睇整體表現，除咗才藝表演我冇睇，但我比其他人着數，之前已睇咗班女仔一輪，對佢哋有啲認識，我係憑良心，5號（雷莊𠒇）表現好好，每個範疇都OK，咁當然人人都有缺點。但絕對冇造馬，有晒會計師行喺度，好難做到。」
嘟姐揚言投決定性一票時都有一刻猶豫，更問現場觀眾意見，她說：「因為現場睇同電視睇有啲唔同，我心覺得係5號，咁現場都好多人舉5號，你哋翻睇啦，我冇數，我覺得5號幾好，咪畀5號囉！我檢討過我有冇做錯㗎？諗番調轉唔跟自己心，唔選5號都會俾人話。聽講仲有個大熱（8號伍樂怡），咁如果另一位入最後兩強嘅話，咁又唔同，但並唔係我嗰part出事，係跟公司，如果你哋鍾意其他賽制，等出年囉！」
三位出爐港姐昨日在將軍澳見傳媒，雷莊𠒇表示未有留意網民留言：「不過我知道有好多different意見啦，其實呢啲我都冇乜理，地球咁大、咁多人都please唔到嘅！網民嘅說話，我自己都覺得好笑，我知道我愛自己係最重要。咁我就唔會理㗎喇！」
對於被批評醜樣，雷莊𠒇表示不介意負評。
（左起）出爐港姐季軍黃瑋琦、冠軍雷莊𠒇、亞軍何依婷及最受歡迎佳麗張寶欣昨會見傳媒。
「冇乜需要箍牙」
另提到網民指她哨牙，雷莊𠒇笑說：「可能笑容係大啲，咁我噚日笑得好大，因為贏咗冠軍吖嘛，我覺得冇乜需要箍牙呀。」
採訪：魯吉
|
鍾意就快D Share啦！
|
|
|
