雷莊𠒇話唔會箍牙呀！
《2017香港小姐競選》冠軍兼最上鏡小姐雷莊𠒇於電視城會見傳媒。問到有沒有失眠？她說：「冇，不過尋晚瞓咗兩個鐘，同爹哋媽咪傾偈，佢哋特登喺東莞返嚟睇我。（傾到喊？）冇，爹哋話我跳舞好好同估唔到我唱歌劇可以唱到咁高音。（送嘢畀你？）冇，自己都冇要求，爹哋好驕傲有我呢個女已經好感動。（今晚同屋企人食飯？）爹哋媽咪返咗東莞，遲啲啦，食爹哋煮嘅咖哩！」
對於父親背景被起底，她說：「爹哋唔Care，佢係一個好開心嘅人，人人都有自己意見，唔可以取悅晒所有人。（你有好多負評？）冇睇到，自己中文唔好。（話你似蘇亞雷斯？）唔會唔開心，都好好笑，唔會理會，對自己有信心。（入行會箍牙？）冇諗過，我覺得我笑得好燦爛。我夢想入荷里活，外國人唔介意，自己好驚做手術，所以唔會」
提到她與鍾鎮濤女兒鍾嘉晴是朋友，對參選是否有幫助？她說：「唔會，朋友還朋友。（之前）冇同陳百祥見過面。」
來源 source: http://hk.on.cc
|
鍾意就快D Share啦！
|
|
|
