掃呢頁CODE去手機

2017年9月4日 星期一

唔止家底好 雷莊 __,雷莊,

雷莊𠒇除咗有富爸爸仲有牙醫男友,簡直係人生勝利組呀!新一屆港姐尋晚終於誕生,由現年23歲嘅雷莊𠒇勇奪冠軍寶座,恭喜晒!其實呢位新出爐港姐冠軍喺參選初期 ...


雷莊𠒇除咗有富爸爸仲有牙醫男友,簡直係人生勝利組呀!


新一屆港姐尋晚終於誕生,由現年23歲嘅雷莊𠒇勇奪冠軍寶座,恭喜晒!其實呢位新出爐港姐冠軍喺參選初期唔算突出,但之後愈戰愈勇,表現備受關注之餘,大家都好好奇佢嘅家庭背景同另一半,今日仲被大起底添!

爸爸支持追港姐夢

嚟自加拿大多倫多嘅雷莊𠒇,原來家底好好,爸爸係香港十大設計師雷葆文,曾於五星級酒店出任八年的設計部主管,喺行內享負盛名兼有「設計多面手」之稱。雷葆文多年嚟仲投資物業,有指佢名下物業遍布中、港、加三地,價值逾億。雷莊𠒇曾表示爸爸好開通,不但全力支持佢嘅港姐夢,仲提名佢參選港姐添!

男友非行政總監即牙醫

雷莊𠒇嘅另一半都有番咁上下,好似圈外前度Brandon,雖然同佢年齡差一大截,但有傳家境拍得住對方,加上事業有為,現時係一間貿易公司嘅行政總監。可惜拍拖三年嘅佢哋最終分手收場,雷莊𠒇早前亦大方承認呢段「忘年戀」,仲話:「佢(指Brandon)係我前男友,唔係依家。」至於新歡係一位牙醫,雷莊𠒇亦不時喺網上貼出與對方嘅親密照,公開晒恩愛,兩人嘅外型非常合襯。

有家境又有牙醫男友,仲成為港姐冠軍,人生勝利組真係非雷莊𠒇莫屬。


來源 source: http://hk.on.cc
鍾意就快D Share啦!