掃呢頁CODE去手機

2017年9月23日 星期六

吳若希自嘲冇人要 「被迫」做何太 __,吳若希,

就快做何太的Jinny零舍好胃口,叫到成枱都係餸。
吳若希自嘲冇人要「被迫」做何太吳若希(Jinny)今年4月為男友何兆鴻(Alex)未婚產女,惟一直未有名分,但原來兩人已於9月8日入紙註冊結婚!仍未求 ...


吳若希自嘲冇人要 「被迫」做何太

吳若希(Jinny)今年4月為男友何兆鴻(Alex)未婚產女,惟一直未有名分,但原來兩人已於9月8日入紙註冊結婚!仍未求婚的Alex強調「唔會爭人嘢」,透露已有全盤求婚計劃,Jinny卻潑冷水指完全沒期待,又自嘲冇人要,即使Alex不準備鮮花及鑽戒跪地求婚,她亦嫁硬對方!

歌手吳若希去年7月認戀澳門闊少何兆鴻,更極速佗B,於今年4月23日誕下寶貝女Giselle。之前他們曾表示希望今年內完成註冊,本報昨日就率先發現他們已於9月8日入紙申請結婚,Jinny將正式榮升做何太!

調理身子生多個?

雖然兩人已入紙,但原來Alex仍未正式求婚。昨午約5時30分,本報獨家捕獲Jinny與Alex這對準夫婦十指緊扣,現身銅鑼灣睇醫生,兩人逗留了一小時才離開,受訪時全程拖到實。提到快將成為何太,Jinny以甜笑回應。問到Alex是否已求婚?他即說:「我唔會爭人嘢嘅!」並承認已準備好整套求婚大計。問Jinny可會有所期待?她笑說:「我對佢完全冇期待!(唔使鮮花、鑽戒同下跪?)佢有或者冇呢啲都好啦,我已經冇人要(口架)喇,如果佢唔要我,我就應該冇人要,所以就算自己唔想嫁都要嫁!」她又嚴禁Alex透露求婚計劃:「講咗我咪唔Surprise囉,唔好畀我知,千祈唔好講!」問到何時影婚紗相?她說:「唔知呀,未定。(外地影?)都會嘅,但唔會帶個女去,佢太細個喇。」剛睇完中醫的她表示想調理身體,問到是否想生多個?她說:「冇咁快諗呢樣嘢住。」之後兩人趕着離開,會合好友Kellyjackie與另一名友人共進晚餐。

吳若希同Alex全程拖到實,狂放「閃光彈」!
  • 吳若希同Alex全程拖到實,狂放「閃光彈」!
Jinny為Alex未婚誕下寶貝女,如今終於有名分。
  • Jinny為Alex未婚誕下寶貝女,如今終於有名分。

簽字未必着婚紗

Jinny接受電話訪問時,透露會在年底完成簽字儀式,但確實日子未定,又說:「擺酒就出年,唔會喺香港搞,會飛去其他地方,請啲親朋好友出席。(點解咁急趕住今年註冊?)奶奶想我哋今年完成呢個手續,雖然今年剩番嘅日子唔係好耐,但都想今年做埋佢。」問到簽字儀式是否在港進行?她說:「未知,未有安排,只不過暫時遞咗紙先。(會着婚紗?)簡簡單單着便服上律師樓簽個名就算。」

文:音樂組

攝:林蔚恩






鍾意就快D Share啦!