掃呢頁CODE去手機

2017年9月4日 星期一

【一直係鍾太】與前夫再見亦是朋友 陳慧珊為破產老公撐起頭家 __,陳慧珊,

現年47歲嘅陳慧珊,先後有過兩段婚姻,無獨有偶,兩任老公都姓鍾。陳慧珊曾經係大台當家花旦之一,但其實佢喺走紅之前,早已為人妻,與當年的花旦多為未嫁雲英 ...


現年47歲嘅陳慧珊,先後有過兩段婚姻,無獨有偶,兩任老公都姓鍾。陳慧珊曾經係大台當家花旦之一,但其實佢喺走紅之前,早已為人妻,與當年的花旦多為未嫁雲英嘅「趨勢」有啲唔同。

陳慧珊嘅首任老公係大學教授鍾偉明,網上流傳,當年陳慧珊同鍾偉明邂逅,係因為鍾偉明赴美求學,剛好租中陳慧珊屋企,每日鍾偉明都會刻意咁等埋陳慧珊出門,然後扮偶遇再打個招呼,再車埋陳慧珊返學,請佢食早餐。當時陳慧珊已經鍾意咗呢個「香港仔」,最後兩人拍拖7年拖就決定結婚。咁啱,當時佢哋覺得喺美國冇乜發展機會,所以決定返香港博一博。

就係咁,陳慧珊加入咗無綫明珠台新聞部,擔任新聞節目及天氣節目主持、記者及編導等工作;兩年後,更係鄧特希幫助下,轉過去翡翠台,正式成為藝人。唔知叫唔叫好彩,陳慧珊憑住套劇《壹號皇庭V》走紅,成為無綫力捧花旦之一;另一方面,佢同鍾偉明越走越遠,最終搞到離婚收場,於2001年正式分手,幸好兩人再見亦是朋友。

之後,陳慧珊專注演藝界發展,拍劇、唱歌,演藝事業推向高峰。到咗2006年,傳出與男友兼經理人鍾家鴻(Mike)結婚,翌年更被揭大肚,結果陳慧珊親認自己已經結咗婚,同年9月誕下女兒鍾律然。

不過,Mike於2012年2月入稟高院自行申請破產,佢聲稱身為市場推廣公司老闆,因公司運作不大順利及遇上糾紛,自己又唔想糾纏落去,故與律師研究後決定申請破產,當中不涉及妻子,對家人生活亦不會構成影響(新聞連結: http://bit.ly/2wuOK65),就係咁,陳慧珊獨力孭起頭家,接job、顧家、湊女全包。2014年甚至有傳陳慧珊被老公打,但佢否認,話係撞到私家車門車,先搞到「爆缸」流血。(新聞連結: http://bit.ly/2eRokT9 )

(資料圖片) 陳慧珊與首任丈夫鍾偉明(資料圖片) 後來陳慧珊改嫁鍾家鴻,並生下女兒鍾律然。(資料圖片)
陳慧珊與老公不時被到一齊外出(資料圖片) 陳慧珊曾傳被家暴,但佢否認,更強調與老公感情好。(資料圖片)

鍾意就快D Share啦!