掃呢頁CODE去手機

2017年9月7日 星期四

【獨家】港姐冠軍雷莊𠒇突襲尖沙嘴「覓食」 街坊似乎唔係好認得 __,雷莊𠒇,港姐,

以往睇港姐,真係算年度盛事,不過近年啲佳麗(及其他)質素每況愈下,所以……之不過咁,話晒一年一度,話題性十足,就好似「十優港姐」麥明詩咁,當時(前年) ...


以往睇港姐,真係算年度盛事,不過近年啲佳麗(及其他)質素每況愈下,所以……之不過咁,話晒一年一度,話題性十足,就好似「十優港姐」麥明詩咁,當時(前年)佢仲有位大律師男友林作,而舊年嘅冠軍馮盈盈喺參選時被爆曾喺facebook連環爆粗,故被稱為「粗口港姐」,不過之後仲有拍話佢為患病嘅細佬讀營養學,真係非常之咁感動!

而今年港姐冠軍由5號雷莊𠒇(Juliette)就真係唔慌唔「話題性十足」,事關第二日網民一面倒批評呢位冠軍,仲話憑「校長」鄭裕玲決定最後一票感覺兒戲之外,仲有人大彈Juliette外貌,又有網民整埋惡搞片段將佢嘅口放大好幾倍,而Juliette對大家對佢外貌嘅批評唔係好介意,仲話唔覺得自己外貌有問題,而佢嘅牙醫男友亦唔覺得佢需要做牙齒矯形手術,不過依然平息唔到惡評,反而仲有話佢態度囂張!

其實自信亦都係一種魅力,而Juliette對於網評惡評我行我素,堅持己見,唔願意委曲求存,真係夠晒EQ。點都好Juliette一夜成名,做埋公眾人物,自然吸引大家好奇嘅目光!噚日有《蘋果》讀者KT,佢透過「爆相爆片」喺尖沙嘴直擊Juliette嘅風采!

讀者KT話:「嗰陣我啱啱喺通利琴行行過,見到一個女仔好熟口面,個樣好面善,睇真啲原來係今屆港姐冠軍,佢由側邊嘅小巷行咗去厚福街,跟住上咗去H8。我睇見到嚇咗跳,佢個樣好似好肚餓,邊行邊搵餐廳!」而讀者提供嘅相中可見,Juliette雙目無神仲有啲疲態,似乎真係好肚餓咁!

睇番資料,Juliette噚日着住一件藍色嘅露膊衫喺早前出席港姐活動時都着過呢件衫,不過噚日就冇set頭、化妝亦稍有不同,而讀者仲話似乎街坊們都唔係好認得呢位港姐冠軍:「得我認得佢咋,因爲真係冇人望,所以似乎佢自己都知未有人認得,好真性情咁周圍走!」

(讀者KT提供圖片) 呢個背影係咪好熟口面呢?(讀者KT提供圖片) 睇下前面(讀者KT提供圖片)
近啲...(讀者KT提供圖片) 再近啲...(讀者KT提供圖片) (讀者KT提供圖片)
冇錯佢就係應屆港姐冠軍Juliette。(讀者KT提供圖片) (讀者KT提供圖片) (讀者KT提供圖片)
呢位讀者有幸同Juliette近距離接觸。(讀者KT提供圖片) (讀者KT提供圖片) (讀者KT提供圖片)
其實呢件衫Juliette喺7月時仲着過出席大台活動㗎!


鍾意就快D Share啦!