掃呢頁CODE去手機

2017年9月3日 星期日

【最靚港姐民調】靚靚贏性格凱琳衰鞋抽 鐵膽李嘉欣竟然輸畀... __,凱琳,袁詠儀,靚靚,鍾嘉欣,嘉欣,李嘉,李嘉欣,港姐,陳凱琳,

今日就係香港小姐競選喇,話晒以前選港姐都係一件盛事丫(好似係),所以「蘋果動搞作」早前就做咗個微型民調,睇下歷屆咁多位港姐,大家覺得邊位係最靚!趙小姐 ...


今日就係香港小姐競選喇,話晒以前選港姐都係一件盛事丫(好似係),所以「蘋果動搞作」早前就做咗個微型民調,睇下歷屆咁多位港姐,大家覺得邊位係最靚!

趙小姐:李嘉欣丫,恭喜佢呀!

王小姐:有冇得揀呀?麥明詩囉,相比起其他,其實佢幾靚嘅。

黃先生:歷屆最靚嘅港姐呀?朱玲玲丫,因為佢有氣質同埋雍容華貴。我覺得樣固然係緊要,因為唔係靚女理論上就做唔到港姐,但如果靚女係一個入場門卷嘅話,咁我會相對上著重入咗圍佳麗嘅氣質。

郭先生:唔識喎真係,我唔睇港姐好耐,無睇TVB好耐。

何小姐:最有印象陳凱琳囉,鞋抽嘛!真係最靚呀‥‥‥李嘉欣啦,我覺得佢到依家都係好靚。

林小姐:我唔睇港姐嗰啲,記憶中都係好耐以前嗰啲。袁詠儀丫,雖然唔知佢真正性格係點,但睇佢啲訪問、演出咁,性格都好似幾好。

潘小姐:蔡思貝係咪港姐呀?最靚‥‥‥佘詩曼吖

鄧小姐:邱淑貞!覺得佢真係好靚!

龍先生:鍾楚紅幾靚,個樣幾成熟。

林先生:其實無乜點留意嗰個叫做港姐。

婆婆:我對呢啲無乜興趣,答唔到你。



林小姐話覺得袁詠儀係歷屆最靚嘅香港小姐。 黃先生就揀朱玲玲,仲話讚對方有氣質又雍容華貴。
趙小姐揀李嘉欣,仲話恭喜佢添! 龍先生覺得鍾楚虹係歷屆咁多位香港小姐入面,最靚嘅一個。 婆婆就話自己對香港小姐無興趣。

鍾意就快D Share啦!