做人最慘係乜？窮都唔緊要，最弊就係自己唔爭氣畀人批死，講緊嘅就係自爆係大話精的36G麥紫莉！當日佢大大聲拖埋病母落水，話要去日本拍AV打真軍籌40萬醫病，仲大鑼大鼓、搵晒保鏢護駕出活動，排場仲勁過當今AV天后三上悠亞，點知原來係世紀大騙局！佢一句受人指使，就將所有嘢推得一乾二淨，完全唔關自己事，不過呢個答案反而令人拍爛手掌，唔好誤會，啲掌聲唔係畀佢，而係畀一班挑通眼眉的巴打自己，一早就睇穿佢拍唔成，睇佢個樣都知佢齋吹唔會做
攞完着數周圍唱
人哋話波大冇腦，梗係唔係真理，但如果套落麥紫莉度，呢句說話就珍珠都冇咁真。依家呢個時代，藝人最緊要有Noise，有新聞點都好過冇人識，佢為出位作嘢都無可厚非，但好心唔拍都用腦諗吓點收科吖！紫莉妹，我Nuts哥食鹽多過你食米，等我教精你啦，有時唔係單靠身材就上到位嘅，食腦先最重要，正所謂有錯就要認，打要企定，睇吓日本好多藝人衰咗都出嚟鞠躬就知啦，起碼人哋都叫交場戲認吓錯！反正都賴落公司度，度條好橋、加兩滴眼淚，分分鐘有大公司接收，使乜搞到家吓十足攞完着數𡁻完鬆，仲被人唱成世，以後搵鬼信你咩？
佢唔拍都算啦，使唔使篤得咁爆呀？咩去受訓呀、學體位呀、去驗身證明冇愛滋呀，全部都唔係自己意思，仲話每次受訪時都好驚大話會穿喎，當正自己係受害人咁，你可以Say No㗎嘛！仲要一話唔拍，就即刻扮矜貴，唔想同AV扯上任何關係喎。喂！你當日唔係靠呢個身份，邊有人識你呀？人哋堅AV女優個個受過專業訓練㗎，所需嘅演技絕對比你所諗嘅更多！麥紫莉啲戲咁屎，之前畀人問親幾時去拍AV已經口窒窒，根本係人都識穿啦，試問呢啲咁嘅演技，拍「愛情動作片」佢點夠資格！
目標大負磅重
雖然依家拍唔成AV，改行去日本打拳上擂台，但以佢嘅36G「負磅」咁重，「目標」又大，到底可以捱到幾多拳？唔好以為女人打交手軟腳軟，狠起上嚟隨時打到爆鼻、爆眼，豬頭咁款！佢仲識得抽水， 喺社交網Post 相，話住嗰間House又大又靚喎，橫掂有免費食宿，不如抽水抽盡啲，踩落歌舞伎町，當觀摩又好，當考驗吓自己魅力，睇吓有冇堅被AV星探睇中，就算唔一夜成名，都係佢想追求嘅Noise，咁就唔使做人肉沙包上台打拳任人砌
|
鍾意就快D Share啦！
|
|
|
