掃呢頁CODE去手機

2017年9月10日 星期日

劉佩玥開28歲生日P 張彥博不避嫌晒合照 __,劉佩玥,張彥博,

生日快樂!9月9號除咗係視后胡定欣36歲生日之外,其實仲係劉佩玥28歲生日呀!佢嘅好友陳瀅同何雁詩昨日都有幫佢開P慶生,見個Party布置得幾夢幻,有 ...


生日快樂!


9月9號除咗係視后胡定欣36歲生日之外,其實仲係劉佩玥28歲生日呀!佢嘅好友陳瀅同何雁詩昨日都有幫佢開P慶生,見個Party布置得幾夢幻,有獨角獸金屬氣球又有蛋糕氣球,十分有氣氛!

劉佩玥喺Instagram表示:「玖月玖日是一個充滿愛的日子❤️ 十年前的我剛剛成年,覺得這個世界很大,心口掛著(着)一個勇字,要衝鋒,要追夢,要探險,那股不受控的熱情到現在還如舊城尚存。十年後,更感世界愈來愈大,更覺自己的卑微,有時候難免會感到氣餒失望,但就如今日的天氣,雨後總會放晴。一路走來抱著(着)簡單率真的心,以誠待人,日三省吾身。一如既往,以微笑面對逆境,以微笑回答順流。願妳一直幸福快樂,保存小飛俠的童真,寶嘉康蒂的勇氣,神賜予的愛,活在當下,一直感謝 感恩 感動❤️」

陳瀅亦有晒相兼晒雞腸表示:「You're so loud that my eardrums hurt. so clingy that i need to take breaks from you. so terrible at driving that i get hyperhidrosis but i'll still love you :) happy birthday baby @arryuu 🎂(你講嘢好大聲,令我嘅耳膜都痛埋。你好黐身,我好想休息吓。你嘅駕駛技術好驚嚇令我流晒汗,但我還是咁愛你:)生日快樂 baby」

而劉佩玥出晒名多觀音兵,不過今次姊妹們上載嘅生日會相入面竟然唔見有仔出現,莫非要刻意避嫌?雖然你有你避,但曾同劉佩玥傳過緋聞嘅張彥博就似乎唔多Mind,仲大方喺自己Instagram晒出二人合照,並祝對方生日快樂,仲嗌佢好好加油咁話!


來源 source: http://hk.on.cc
鍾意就快D Share啦!