掃呢頁CODE去手機

2017年8月7日 星期一

【獨家】中環晒白滑美腿Shopping 素顏唐詩詠扁晒嘴 __,詩詠,唐詩詠,

「夏天,為大地帶嚟美腿」呢回事,除咗喺沙灘可以驗證到,一般行街都好易遇到。好似《蘋果》日前就喺中環街頭,見到兩位着到以一身白作主要打扮嘅女士,更重點係 ...


「夏天,為大地帶嚟美腿」呢回事,除咗喺沙灘可以驗證到,一般行街都好易遇到。好似《蘋果》日前就喺中環街頭,見到兩位着到以一身白作主要打扮嘅女士,更重點係佢哋唔知有冇約好咁齊齊着短褲仔晒美腿,兩人喺中環快速咁行過,將個視線推高少少嚟望吓,發現其中一個原來係有「絕世好女友」之稱嘅唐詩詠!當晚8點幾,詩詠BB同一名女性友人現身中環皇后大道中,詩詠BB拎住一大袋Dior,女友人就拎住一袋Harvey Nichols,不過,最吸睛嘅應該係佢哋對腳!同樣係又白又滑,肥瘦比例啱啱好,如果話有男士因此要吹一吓口哨嘅,其實都唔過份。詩詠BB雖然素顏上陣,但仍然清秀靚女,兩人行咗去流行服飾店COS,快睇兩分鐘後、冇斬獲就離開,唔知係咪睇唔啱嘢,定係唔夠時間行,所以詩詠BB離開時,有啲嘴扁扁。雖然見佢哋全程急急腳,但交通規則都係有遵守嘅,等過馬路期間,詩詠BB同友人講唔停,同埋有笑番嘅,仲邊講邊有晒手勢,睇嚟都幾熟絡都多偈傾。啱嘅,有云「女人天生購物狂」,女性去行街shopping實屬正常不過嘅事,分別好可能只係……喺boutique定街巿啫。

(攝影:梁繼光、朱志聰) 唐詩詠同女友人日前現身中環行街 入boutique行
不過空手而回 其實手上都一人一袋啦 詩詠BB個嘴唔使扁成咁喎
去搭車離開期間,兩人邊行邊傾。 等過馬路都冇乜停過口

來源 source: http://s.nextmedia.com
鍾意就快D Share啦!