2017年8月13日 星期日

【不斷更新】李小龍女李香凝做嘉賓 阿Sam阿倫十二點完騷 __,阿Sa,譚詠麟,阿倫,許冠傑,Sam,吳卓林,小龍女,李小龍,蔡卓妍,

歌神許冠傑同校長譚詠麟《阿Sam&阿TamHappyTogether》演唱會今晚喺紅館首場開騷。0000:完騷。1130:Encore位開始,喺握手嘅 ...


歌神許冠傑同校長譚詠麟《阿Sam &阿Tam Happy Together》演唱會今晚喺紅館首場開騷。0000:完騷。1130:Encore位開始,喺握手嘅期間,阿倫同歌迷握手,突然個樣顯得唔開心,冇用咪同歌迷講:「唔好拉到我手,我手會痛。」然後佢拍自己膞頭。1120:阿倫同觀眾講點解會同阿Sam開演唱會,阿Sam就話好榮幸,因為阿倫話阿Sam係佢偶像,之後阿倫就話:「71年嘅時候,見到阿Sam開演唱會覺得佢好威,十年後我開演唱會,好多嘢佢都啟發咗我,佢喺音樂同生命上都係一個領袖。」之後阿倫又喺現場搵許冠文出嚟,講咗一件事:「大家可能唔知,當年1986年,嗰年阿Sam拍戲意外高山症,但嗰一年嘅嘅年中,佢去咗日本做一個作品展,我同許冠文兩個(哽咽一會),我同許冠文兩個睇到兩行眼淚,阿Sam除咗係我偶像,仲係代表我哋香港人。我當時同許冠文講,阿Sam之後一定得,之後佢就唱到今日。」阿Sam聽完就話:「佢成晚就係想引我喊,佢真係好關心朋友。」跟住二人合唱浪子心聲,不過二人多次甩咀

1105:阿倫上到台同sam合唱,佢哋向一班已故歌手致敬,話佢哋對廣東歌同香港樂壇好多貢獻。1050:阿Sam就開始唱自己歌,唱完《心裏日記》之後,就介紹一個嘉賓出場,就係李小龍嘅女兒李香凝,兩個合唱《Somewhere out there》同《California dreaming》,合唱期間播出李小龍嘅片段。1030:阿Sam就做咗條片,入面有好多自己嘅歌,加埋佢講嘅嘢,主要都係讚頌阿倫:「佢係我最欣賞嘅歌手,傳聞紅館嘅歌詞係阿倫發明嘅,有幾多成真就唔知喇。」最後仲話阿倫年年都係25歲,全場觀眾大笑。1000:阿倫獨唱完之後,就到許冠傑兩個仔懷谷懷欣出嚟唱歌,唱咗《鬼馬雙星》,唱到愛情陷阱一半,倫上台一齊合唱,四人唱完後,阿倫讚懷谷同懷欣,用英文問佢哋﹕「係咪成日練歌,好犀利!我要代觀眾問吓,你哋Daddy咁鍾意着豹紋衫,係屋企惡唔惡,會唔會係虎或豹爸?」懷欣話﹕「Daddy好Nice,成日同我哋夾Band。」阿倫又問佢哋細個時,阿Sam有冇講故仔佢哋聽?懷欣話﹕「有。(有冇同你哋沖涼?)有。」阿Sam即話﹕「但我始終見唔到你個仔個樣,睇親都係後尾枕,見到頭髮,見唔到樣,個樣唔俾我睇,但應該係小鮮肉嚟喎。」現場就播出譚曉風畢業時背住攬阿倫嘅相,阿倫即話﹕「你哋幻像嚟,睇錯,邊個咁曳。」然後扯開話題讚阿Sam啲歌好正,之後就唱阿Sam嘅《鬼馬雙星》。0945:阿Sam唱完後,就到阿倫。阿倫出場前,現場又播出黃子華扮新聞報道員嘅短片,短片中,子華就話:「譚詠麟係歌壇之神,佢人靚聲甜,係全香港開最多演唱會嘅人。由佢出道已經不斷開騷,出道10年之後開過回顧演唱會,出道20年開回憶演唱會,出道30年就開再上路演唱會,可能之後就會開前瞻80年演唱會,佢用不同理由開演唱會,但場場爆滿囉!自己開又同人哋開騷。一個人開騷、開演唱會就等如一個人打一世工嘅酬勞。」一個人開紅館演唱會,就好似一個人打咗一世工咁。阿倫係發明咗一日令你輪迴兩次,佢一日開兩次騷,阿倫好好精神,開完騷可以輕鬆打波,打完波又去開演唱會。我哋有諗過開一日開三場,朝早六點開完可以返工,但後來放棄咗,怕你哋唔夠精神。點可以做神,就因為佢年年25歲,好精神!0940:黃子華就拍短片扮新聞報道員,解釋歌神嘅意義,子華解釋o依家有雙位數嘅人,就稱之為男神或者女神。子華話九龍西神多過人,大家唔好濫用神呢一樣嘢,佢仲解釋番神嘅意義,就以歌神為例,神係由冇到有創造出嚟,歌神許冠傑就係創造粵語流行曲,其實歌神唱粵語歌之前,已經有粵語歌,但大家就唔係好記得有咩歌流行。大家都忘記咗許冠傑之前嘅粵唔歌,佢啲歌歌詞好犀利,好似『拎冧六,長三六,高腳七...』之後仲唱咗《鐵塔凌雲》,就好似愛因斯坦嘅相對論咁,冇人知佢講乜。o依家啲人口講嘅核心價值,70年代嘅核心價值就係許冠傑。黃子華講完後,Sam就單人唱自己多首舊歌,好多女dancers幫佢伴舞,dancers仲好醒目攬住Sam條腰傍住佢。子華話九龍西神多過人,大家唔好濫用神呢一樣嘢,佢仲解釋番神嘅意義,就以歌神為例,神係由冇到有創造出嚟,歌神許冠傑就係創造粵語流行曲,其實歌神唱粵語歌之前,已經有粵語歌,但大家就唔係好記得有咩歌流行。0925:阿倫請咗一位姓鄧嘅女歌迷上台,全程拖住阿Sam隻手唔肯放,女歌迷話﹕「我聽咗你哋唱歌50年喇,我係蘇屋邨住。」阿Sam聞言笑話﹕「我係蘇屋邨最有名嘅飛仔。」當阿Sam唱《願你接受》之前,阿倫話﹕「呢個係今次演唱會嘅高潮位,阿Sam會落台同觀眾『唔唔唔』,但現在流感犀利,避免交叉感染就唔錫喇。」阿Sam反問﹕「咁可唔可以飛吻?!」0920:喺唱《You're my everything》時候,阿倫喺台上話:「呢一首歌好浪漫,邊個歌迷唱得好投入,又睇得好陶醉的話,咁我就送啲嘢俾佢。」當時佢口中咬住一支玫瑰花。Sam則話首歌係極度浪漫,會喺台下搵幾個靚女fans上台。後來搵咗個女仔,係英皇旗下嘅女歌手陳凱彤,阿Sam請佢上台時,仲錫咗女方嘴仔一啖。上到台後,阿Sam就同陳凱彤跳舞。跟住阿倫請咗個着住短褲嘅老太太上台,兩pair人一齊跳舞。0908:唱「風中勁草」嘅時候,兩人去觀眾席握手,阿Sam有同歌迷嘴對嘴錫,而阿倫就面貼面。兩人唱《想將來》時,阿Sam入早咗歌,阿倫話﹕「唔緊要,玩吓party嚟。」阿Sam自嘲烏龍百出,之後又再入錯,阿倫話﹕「越多錯越好睇。」阿倫透露阿Sam好鍾意貓王嘅歌,兩人都有清唱貓王歌曲。0853:阿倫話要同觀眾嚟個熱身,今日支燈棒叫大家舉起燈棒,Sam話支棒有好多作用,唔係普通嘅燈棒,大會控制,係黃大仙燈棒,係有求必應,會打出阿Sam同阿Tam嘅字樣出嚟。跟住佢哋喺現場嗌Sam,山頂嘅燈棒就着咗,形成Sam字樣出嚟,如是者嗌阿Tam嘅時候,就有Tam字樣出現。阿倫就笑住話支捧係道具,提醒現場歌迷記得唔好攞走支熒光棒,因為支棒係大會控制,攞咗返屋企都冇用,就算真係攞走,臨出紅館前,支棒就好似喺百貨公司咁,會發出咇咇聲。許冠傑就再提醒萬一歌迷真係唔記得,門口有個回收箱可以放落去,阿倫就嗒嘴話:「係呀,我哋支持環保呀!」阿倫仲話:「我哋係美男子,競爭好大,出面又有好多小鮮肉,但始終都係肉,唔襟擺,我哋就係午餐肉,隨時開隨時食都得,又加咗防腐劑。」第二fans鬥熱情、第三大家打band出身、第四係大家都係屋邨長大。阿倫仲話:「我哋係美男子,雖然出面競爭好大,好多小鮮肉,但小鮮肉唔襟擺,但我哋係午餐肉,幾時開幾時食,有防腐劑。」之後阿倫又笑Sam話﹕「你今日有個歌迷嚟咗。」阿Sam話﹕「係呀,林鄭月娥。所以專登唱首《沉默是金》俾佢聽,佢係我師妹,以前都鍾意唱歌俾師妹聽,驚佢唔係聽晒就走,所以依家唱咗俾佢聽先。」0850:佢哋兩個就始講嘢,阿倫問觀眾:「我同SAM夠唔夠誠意?如夠就畀啲掌聲我哋!」Sam就話:「不如大家送多啲掌聲畀我哋呢24位dancers。今晚觀眾好興奮,我有個口號希望同大家講。」阿倫:「今晚有長官係度喎....」Sam:「唔緊要啦,阿Sam and阿Tam friend過打band,今晚有排gam,fans脷舐舐。」阿倫:「一首好好打油詩,不如觀眾一齊嗌口號。」之後阿倫話同阿Sam唱歌,終於明白當年克勤感受,佢話﹕「當年克勤同我一齊開騷,好明佢心態同心情,因為可以同偶像唱歌。」跟住現場見到克勤同太太盧淑儀坐喺觀眾席,克勤話﹕「我明白晒喇。」0838:唱到《最繄要好玩》嘅時候,阿Sam同阿Tam兩個去到同歌迷握手。0830:演唱會喺分正式開始,先有一段許冠文嘅影片,片中佢講到:「我好興奮,因為一生人都聽過兩個唱歌畀我聽,大家唔好再打機同玩電話喇,用興奮熱烈嘅心情去睇阿Sam同阿Tam。」開場時,阿倫同阿Sam着住類似虎紋花紋嘅長褸現身,仲齊齊戴黑超,阿Sam以銅色為主,阿倫則以紫紅色為主。戴帽嘅阿Sam彈住結他,配合阿倫彈白色鋼琴,兩人合唱《Imagine》。唱完《Long and winding road》之後,Sam同觀眾講多謝。之後兩個就除外套,變咗西裝款,唱出《最佳拍擋》,仲有女dancers伴舞。

李小龍嘅女兒李香凝
兩個合唱《Somewhere out there》同《California dreaming》 懷谷同懷欣上台唱歌
四個人一齊合唱
現場播出譚曉風畢業時背住攬阿倫嘅相
好多女dancers幫阿Sam伴舞
許冠文拍片打頭陣,呼籲大家唔好玩手機喇,開場喇!
8點半開場 戴帽嘅阿Sam彈住結他,配合阿倫彈白色鋼琴,兩人合唱《Imagine》。
紅館場外售賣阿倫同阿Sam嘅黑膠唱片,最貴係87演唱會精華,賣350蚊。 唔少嚟睇騷嘅歌迷都買黑膠唱片。
阿Sam同阿倫傍晚喺紅館後台拜神。 阿Sam阿倫今晚紅館騷開四面台,每張凳上都放有一支熒光棒。
棒上寫住「請勿取走」四個字。 林建名都有攜女伴到場

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...