掃呢頁CODE去手機

2017年8月19日 星期六

【獨家】爆紅MC Jin同5歲仔Battle 返銅記被圍 對香港無限感激 __,MC Jin,

離開,只係一個新開始。歐陽靖(MCJin)喺大陸節目《中國有嘻哈》講出呢一句說話,對佢嚟講,離開已成習慣,由當日離開美國赴港發展,到返去陪伴家人湊囝囝 ...


離開,只係一個新開始。歐陽靖(MC Jin)喺大陸節目《中國有嘻哈》講出呢一句說話,對佢嚟講,離開已成習慣,由當日離開美國赴港發展,到返去陪伴家人湊囝囝,再喺近月以「Hip Hop Man」身份參加大陸比賽爆紅,然後又被淘汰出局……每次離開,都有所得着,同時踏出嘅每一步都係人生嘅新旅程。呢一日,卸下面具嘅Hip Hop Man接受《蘋果》訪問,娓娓道出佢形容為「craziness」嘅爆紅經過,仲趁住呢次機會,同《蘋果》記者一齊掃街。時間倒一倒帶,返番去05年,MC Jin同王力宏合作咗一首歌《蓋世英雄》,去到08年,MC Jin嚟到香港,推出咗專輯《ABC》。花咗兩年時間,喺香港樂壇吸引唔到聚光燈,反而去咗TVB做主持,再浮沉咗兩年。自《中國有嘻哈》之後,MC Jin絕對係逆境反彈,微博粉絲已有163萬,仲成為商業演出嘅搶手貨。諷刺嘅係,當日佢喺香港涉足過歌、影、視,但才華似乎全被埋沒。對此,MC Jin話:「我最近都聽過好多人講,話我之前喺TVB拍劇嘥晒啦,應該點點點。但我一直冇覺得係浪費,相反,嗰段時間嘅經歷同體驗係畀到我好多。」訪問期間,MC Jin多次重申香港人冇對佢唔住:「有人問我,會唔會覺得香港人好似你喺度嗰陣時又唔欣賞你唔Buy你,我冇咁諗過,對香港呢個地方我係無限感激。」事實上MC Jin都話非常懷念以往拍劇嘅日子:「喺呢個《中國有嘻哈》之前,我都有諗如果有機會拍劇,同埋有機會返嚟呢個平台度做啲嘢就好啦。」MC Jin珍惜香港,但12年仍然選擇返美,原因好簡單,就係囝囝歐陽健(Chance)出世,佢話:「其實由08年6月10號落機,我都冇一個目標話留幾耐,只不過香港一直對我太好,所以一直冇走。到囝囝出世嗰個moment,我就知要返去。」多得歸家呢個決定,MC Jin冇錯過Chance嘅成長時光,佢笑言:「佢第一次自己小便,我有睇住架!拍晒手嗌叻仔,記住沖廁洗手,全部係我親眼見。」講到現時五歲嘅精靈囝囝,MC Jin難掩心中喜悅,平時揸車聽Rap類型嘅歌, Chance會喺後座跟拍子Un,睇完大陸比賽又會跟住問:「你有freestyle嗎?」結果兩父子喺屋企嘗試Bettle:「我咪同佢玩押韻囉,我講一句,佢接我一句。」呢啲生活片段,自然成為創作題材,MC Jin作品《Fatherly Advice》入面,甚至有Chance初試啼聲:「搵阿仔喺後面rap都幾正喎,到佢成段唱晒出嚟,我喺屋企都睇到黐晒線!媽咪聽完之後,又冇喊嘅,但係非常之warm。」採訪:曹家誠、馮國康、Sapna

攝錄:馮峰、Meng

攝影:陳順禎

場地:M2 Home

MC Jin認為被淘汰唔關普通話事。 MC Jin平日都愛吃小食,但此刻最掛住燒味。
途人爭相跟MC Jin合照。 MC Jin當然最想在紅館開騷。

來源 source: http://s.nextmedia.com
鍾意就快D Share啦!