掃呢頁CODE去手機

2017年8月7日 星期一

陳奕迅多重人格 話分拆就拆 __,陳奕迅,

人格分拆再分拆,Eason呢位天才連娜姐都打從心底Like爆!歌神陳奕迅(Eason)早前喺內地歌唱節目一時興起,喺周杰倫、那英同埋「內地音樂教父」劉 ...


人格分拆再分拆,Eason呢位天才連娜姐都打從心底Like爆!

歌神陳奕迅(Eason)早前喺內地歌唱節目一時興起,喺周杰倫、那英同埋「內地音樂教父」劉歡面前,示範實力派走音,片段隨即喺網上瘋傳,我Nuts哥睇完都不禁講句:「Laugh Die Me (笑死我)!」Eason咁玩唔止藝高人膽大,仲證明咗佢已經悶到一個點,需要自己諗啲嘢出嚟同自己玩,結果佢諗出咗個「我是陳二萌,今年12歲」嚟同自己Jam歌,唔怪得古希臘哲學家亞里士多德話:「沒有一個天才,不帶點兒癲狂!」

陳奕迅當然係天才,如果唔係都唔會有首歌叫《如果我是陳奕迅》!表面睇,「陳奕迅的確是得一個」,但佢體內係唔係得一個陳二萌,就好值得深究!「但我現能尋到解悶鎖匙」嘅Eason,會唔會好似同樣搞藝術嘅英國畫家Kim Noble咁,擁有多重人格,而且每個都有不同創作風格,所以歷年來推動廣東歌不遺餘力嘅佢,可以歇斯底里地《浮誇》、《第五個現代化》,但轉個頭已俯首嗟嘆《當這地球沒有花》、《夕陽無限好》,真係冇人知,但可以肯定Eason體內至少仲可以拆到English Chan同建築陳兩個人格。

全英語對白 踩場搶晒Fo

今時今日香港地,要搵個吹得、唱得,兼夾英文Talk得之人,恐怕真係只得一個陳奕迅可供選擇!先唔好講佢喺電影《贖命》度全英語對白,呢啲只要肯背就一定講到嘅例子,就講佢上年喺澳門被麥當娜召上台嗰劑,手舞足蹈同娜姐全程英語對答如流不特止,仲要夠膽死玩到娜姐爆粗,娜姐唔理佢,佢就轉去同啲Dancers吹水,搶Fo搶到娜姐要開咪吶喊:「Hey, Eason don't talk !」但正所謂男人不壞,女人不愛,英文Talk得嘅Eason雖然百厭奀皮,仍然令娜姐開咪真情表白:「I didn't see anyone like you !」可以點樣意譯呢句說話?答案係「我不能忘記你!」

娜姐心心眼 阿徐有排煩

還好香港人普遍英語水平處於「Laugh Die Me!」嘅層次,否則如果人人識講「It's hilarious!」咁Eason老婆Hilary Tsui徐濠縈就有排煩!事關連娜姐都心心眼,試諗吓其他女一旦英語增咗值,事業線又出色,屆時何止A餐B餐?「Oh, this is the restricted area !」呢個思想嘅禁區,實在唔敢再諗落去!

不過講番轉頭,好在當年Eason體內嘅建築陳暫時「柄」埋咗,令佢返咗香港仲參加埋新秀,如果唔係自中學起就同阿哥去英國升學,後尾仲入埋金斯頓大學讀建築嘅Eason,玩吓手依家就係建築師,可能起緊高鐵添,而以佢體內咁藝術家嘅癲狂基因,佢真係炸咗再起過都唔奇㗎!


來源 source: http://hk.on.cc
鍾意就快D Share啦!