掃呢頁CODE去手機

2017年8月8日 星期二

溝大胸女歌手?陳煒護前夫:佢哋冇拍拖 __,陳煒,

陳煒強調前夫顏志行與身材豐滿的鄭雙雙(圓圖)冇拍拖。藝人陳煒在接受東網獨家訪問,談及有傳她的前夫台灣商人顏志行「溝女」一事,與身材豐滿的台灣女歌手鄭雙 ...


陳煒強調前夫顏志行與身材豐滿的鄭雙雙(圓圖)冇拍拖。

藝人陳煒在接受東網獨家訪問,談及有傳她的前夫台灣商人顏志行「溝女」一事,與身材豐滿的台灣女歌手鄭雙雙(Sherry)傳出緋聞。

陳:陳煒 記:記者

記:有傳顏志行同台灣歌手鄭雙雙拍拖?

陳肯定地:絕對唔係,點解今次我要特別澄清,就係唔想涉及第三者,鄭雙雙我都識,我先生同佢(鄭雙雙)嘅關係,佢(顏志行)都有同我講佢哋嘅關係,而今日好似話佢哋去峇里參加朋友婚禮,其實都係個別邀請同埋個別去,但畀人斷章取義,放埋一齊嚟講。

記:佢哋係乜嘢關係?

陳:普通朋友。

記:上年你拍《煒哥的味道》,顏志行專程由台北到台南出鏡支持你,當時話咁嘅安排係力證你同佢冇婚變,咁當時嘅情況係?

陳:因為佢(顏志行)好喜歡烹飪,同埋有開餐廳,佢係好樂意咁去支持我同埋自願出鏡,至於當時我哋嘅關係瞞住咗觀眾,我喺度道歉一聲,之前我決定嫁畀佢,係因為愛佢,呢五年我都好留戀之前嘅關係,所以先低調咁去處理私人事,並將自己嘅心神放喺事業上。雖然我哋分開咗,但大家都好了解大家,好多嘢都會互相分享,係親人嘅關係。

記:五年前離婚在香港工作,會否覺得好孤單?

陳:一路以嚟我都好獨立,所以都冇,加上當時公司(指TVB)、身邊朋友都有支持我,所以唔開心都已經過咗好耐。

記:初初離婚,雙方父母有冇覺得好可惜?

陳:當然會,家人、朋友都覺得好可惜,但去到冇彎轉嘅地步,就轉變去支持。

記:其實Keep住咁好嘅關係,有冇諗過復合?

陳:唔敢講,只可以話依家保持住好好嘅關係,將來嘅事唔知,依家係好朋友,希望畀啲空間我哋去處理。

記:你決定公開同顏志行關係,顏志行反應如何?

陳:支持,祝福我,我都祝福佢。

記:有冇為自己未來嘅感情打算?

陳:冇,完全冇,如果唔係,都一早公開等人哋嚟追我,依家將所有心機放喺工作上,我會加油,大家唔使擔心我。

陳煒強調與顏志行到現在仍是單身,未有另一半,朋友關係好舒服。


來源 source: http://hk.on.cc
鍾意就快D Share啦!