43歲陳煒，今午接受傳媒訪問直認與細佢3年、從事光管銷售生意嘅台灣商人顏志行離婚，兩人早於五年前已離異。陳煒之後一直熄電話，未有聯絡上。陳煒2008年與顏志行結婚，息影做跟得夫人，近年忽然復出，喺大台劇接劇，大細騷通殺，更頻頻性感見人，非常搏命。當時已有傳同老公聚少離多，更有指顏志行身邊多咗個台灣歌手鄭雙雙，兩人不時出雙入對。去年陳煒拍大台節目《煒哥的味道》時，老公都有現身，仲喺鏡頭前晒恩愛。睇番資料，2011年12月，陳煒在微博貼老公的照片，寫道：「老公生日快樂」，但有指煒哥39歲生日時，顏志行卻未見影。近五年來，煒哥一直努力澄清，稱夫妻情不變，但婚變傳聞卻是越傳越熾。同年底，陳煒再成封面人物，被揭獨居香港，並在荃灣租樓住，兩夫妻聚少離多。當時陳煒向記者解釋：「佢﹙老公﹚試過一個月飛37次呀！我點跟住佢！」之後陳煒再被問到生仔一事時，她卻改口稱：「我都冇講過自己要生BB，嗰陣係記者約我影相，我先至咁講啫！」
來源 source: http://s.nextmedia.com
|
鍾意就快D Share啦！
|
|
|
