掃呢頁CODE去手機

2017年8月12日 星期六

扭晒腰兼手指指 許冠傑同阿倫激烈舞鬥 __,阿倫,許冠傑,譚詠麟,

許冠傑同阿倫開騷啦!歌神許冠傑(阿Sam)與樂壇校長譚詠麟(阿倫),在紅館舉行藝能製作主辦的一連12場《阿SAM&阿TAMHAPPYTOGETHER演 ...


許冠傑同阿倫開騷歌神許冠傑(阿Sam)與樂壇校長譚詠麟(阿倫),在紅館舉行藝能製作主辦的一連12場《阿SAM&阿TAMHAPPYTOGETHER演 ...


許冠傑同阿倫開騷

歌神許冠傑(阿Sam)與樂壇校長譚詠麟(阿倫),在紅館舉行藝能製作主辦的一連12場《阿SAM & 阿TAM HAPPY TOGETHER 演唱會》,今晚開鑼,吸引不少藝人,包括有鄺美雲、薛家燕及李克勤等捧場,四面台全場爆滿。個唱約八時半開騷,大銀幕先播出許冠文的短片,許冠文說:「一世人最喜歡兩個歌手,一個阿倫、一個阿Sam,一世人都未聽過兩個人一齊唱,大家唔好打機專心聽。」接住阿Sam與阿倫分別以金銀色褲配豹紋褸兼黑超彈住結他及鋼琴登場,一口氣唱出《Imagine》、《Long and winding road》、《最佳拍檔》、《笑看人生》及《最緊要好玩》。

歌迷進入瘋狂狀態

期間兩人獲女舞蹈員幫手除去外套,並與近廿名舞蹈員分成兩批「鬥舞」,寶刀未老的阿Sam與阿倫跳到扭晒腰兼手指指,兩人更走落台邊與歌迷作近距離接觸,全場歌迷陷入瘋狂狀態起身跟住跳,經過一輪「激跳」,兩人終於與歌迷打招呼說:「我哋夠唔夠誠意?畀多啲掌聲。」阿Sam說:「大家都咁興奮,要同大家熱吓身,我哋有個口號就係,阿Sam & 阿Tam Friend過打Band,今晚有排Jam,Fans脷Lam Lam,大家落力啲一齊嗌。」

同偶像開騷感覺

曾與李克勤舉行個唱的阿倫說:「終於明白克勤同我做騷個感覺,同偶像開騷嘅感覺,我今日終於感受到,克勤好似喺度喎。」坐在台下的克勤即起身鞠躬,接住阿倫再說:「雖然我同阿Sam都已經有半個世紀,但係都來日方長,我就廿五歲,你頂多咪廿八歲,好多人知我哋開演唱會掀起香港搶飛熱潮,多得你哋唔小。」

五大共通點

由於每張櫈都勾住巨型螢光棒,螢光棒均由大會控制發光的顏色及字樣,阿倫說:「呢個就係黃大仙燈,有求必應,呢支螢光棒係道具嚟,大家唔可以拎走,拎走都冇用,係大會控制。」阿Sam說:「如果大家唔記得拎走咗,出面有回收筒,大家記得放番入去。」阿倫表示兩人有四個共通點:「廣東歌夠多,歌迷話我哋夾埋啲歌唱七日都未唱完,第二就係歌迷夠熱情,第三大家都係打Band出身,第四大家都係屋村大夠貼地。」阿Sam說:「我哋都係美男子,呢個係第五個共通點。」抵死的阿倫笑言競爭好大,因為外面有很多小鮮肉,他說:「小鮮肉唔襟擺,我哋就係午餐肉,幾時開就幾時食,仲有防腐劑添。」獲阿Sam大讚識講嘢的阿倫說:「都要跟你學嘢。」


來源 source: http://hk.on.cc
鍾意就快D Share啦!