熱爆娛樂: 【獨家】申請回鄉證冇特權政協霍啟剛單拖湊細女超低調 _

2017年8月18日星期五

【獨家】申請回鄉證冇特權政協霍啟剛單拖湊細女超低調 __,霍啟剛,

霍啟剛同跳水皇后郭晶晶結婚5年，生咗大仔中曦，下個月就快4歲，而細女中妍都有差唔多4個月大，湊夠一個「好」字。啟剛同晶晶不嬲都好低調，《蘋果》讀者黃小姐日前就透過「爆相爆片」目擊到啟剛就帶咗B女中妍去咗上環中旅社申請回鄉證，同行就有工人、一名衣着打扮樸素嘅中年婦人同行。根據黃小姐提供咗兩張相，就見到啟剛同中年婦人喺中旅社門口傾緊偈，黃小姐就話：「佢帶嗰女去申請回鄉証。霍啓剛去交表，工人就抱住BB喺櫃位影相，佢哋搞咗5分鐘就走，見到霍啟剛就負責推BB車，中間見佢仲有同嗰BB玩嘟咀戥嗰BB笑，見佢推嗰架BB車有用到紗巾，但係就有啲殘舊。」之後，霍啟剛推咗BB先行離開，就留底中年婦人辦理申請，隔咗5分鐘，黃小姐就話見到佢哋匯合返，但係BB同工人就唔見，估計佢哋已經由司機接送走先，而霍啟剛就喺中旅社門口同中年婦傾咗一陣，佢就獨自向中環方向急行。《蘋果》就打過畀啟剛，問到佢係唔係同BB計劃返內地旅行探親，佢就覆：「暫時無計劃去但係都囉咗先肯定有機會去！」至於囡囡中妍4月出世到o依家已經差唔多四個月，霍啟剛同太太都非常低調，問到會唔會同囡囡慶祝佢就話：「唔會大搞住啦、都係屋企自己食飯、仲係好細呀嘛！」雖然囡囡百日宴低調搞掂，不過佢哋一家四口早前就去咗溫哥華度假，之後霍啟剛名老婆帶埋仔仔仲轉飛北京探郭晶晶外家，今次幫囡囡申請埋回鄉証，似乎為咗一家四口返外家。

（右圖由讀者黃小姐提供）	日前霍啟剛湊細女去咗上環中旅社申請回鄉證。（圖片由讀者黃小姐提供）	離開時佢一個人行向中環方向。（圖片由讀者黃小姐提供）
霍啟剛除咗係霍英東集團副總裁之外，仲有好多公職。		霍啟剛私下同太太郭晶晶非常之咁低調。