掃呢頁CODE去手機

2017年8月27日 星期日

【獨家】居港滿7年成真‧香港人 苟芸慧攞三粒星永久身份證 __,苟芸慧,

34歲嘅苟芸慧(苟姑娘)已ready做人妻,今年6月收下富三代男友陸漢洋(William)嘅家傳之寶。(相關新聞﹕http://bit.ly/2wGR ...


34歲嘅苟芸慧(苟姑娘)已ready做人妻,今年6月收下富三代男友陸漢洋(William)嘅家傳之寶。(相關新聞﹕http://bit.ly/2wGRbnF)雖然未正式過門,但苟姑娘真係好「旺夫」,早前William更率領「一颷賽車」到馬來亞西出戰「亞洲勒芒衝刺盃」,結果勇奪年度總冠軍,成首位奪得該項殊榮嘅華人,認真威威!

苟姑娘o依家嘅正職就係做跟得女友,跟住William四處出埠賽車,有影皆雙。不過,前日讀者吳先生透過《蘋果》爆相爆料,表示前日中午近12點喺灣仔入境處見到苟姑娘一個人,佢着住黑Tee黑裙同戴黑超,打扮十分低調。吳先生表示認得佢嘅人唔多,佢話﹕「佢好似去補領身份證啩?!嗰陣都幾多人,但大部份都係唔同種族人士,有外國人、南亞裔、大陸人,反而冇乜香港人,所以冇人認到佢。」吳先生話見到苟姑娘喺前排角落位坐咗一陣,跟住就行咗去領證處,攞完之後好快就走咗。

《蘋果》記者聯絡苟姑娘,佢透過短訊回覆﹕「哈,唔係唔見咗(身份證),我去換/攞三粒星永久身份證。」哦...數數手指,苟姑娘其實係08年多倫多華裔小姐同09年國際中華小姐冠軍,之後佢就嚟咗香港發展,直至去年底約滿無綫先唔再續約。現在居港滿七年,正式成為香港人,真係恭喜晒!

苟芸慧前日去咗攞三粒星香港永久居民身份證。(圖片﹕讀者提供) 讀者話苟姑娘等咗一陣,就輪到佢去攞身份證。

苟姑娘早前收咗陸漢洋送嘅家傳之寶鑽戒訂情。 陸漢洋早前喺「亞洲勒芒衝刺盃」奪冠,成為首位華人奪得該項殊榮,開心到攬實苟姑娘。(資料圖片)

苟姑娘離開無綫後,現在主要做跟得女友,陪男友一齊賽車。

鍾意就快D Share啦!