掃呢頁CODE去手機

2017年8月23日 星期三

【獨家】6年前未婚誕巨B 45歲姚瑩瑩神秘男友現身 __,姚瑩瑩,

喺91年參加《環球小姐》而入行嘅姚瑩瑩,由當年嘅青春小艾到今日嘅婦道人家,由姐仔邁向甘草,瑩瑩依然留喺大台默默耕耘。6年前,39歲嘅姚瑩瑩,同拍拖8年 ...


喺91年參加《環球小姐》而入行嘅姚瑩瑩,由當年嘅青春小艾到今日嘅婦道人家,由姐仔邁向甘草,瑩瑩依然留喺大台默默耕耘。6年前,39歲嘅姚瑩瑩,同拍拖8年嘅男友,生咗個重9.2磅嘅囝囝Evan。做咗人媽咪嘅瑩瑩,同男友keep住冇結婚,瑩瑩亦鮮有提及男友嘅身份,繼續將感情事密冚,不過身形同動靜就開始滲出陣陣師奶味。周三(16日)下晝約6點,45歲嘅瑩瑩,踢拖現身沙田宜家傢私,同行嘅有外傭同6歲Evan,不過身邊仲有個年約40歲嘅中年男士,喺現場一直照顧住Evan,該男士身穿黑色Tee同牛仔褲,中等身形。以外形嚟講,同瑩瑩頗匹配。現場所見,瑩瑩專注詢問職員有關依櫃嘅尺吋,又不時用英文同外傭溝通,問對方睡房size夠唔夠擺。至於同行嘅中年男士,就主動帶Evan到兒童遊戲區,耐心教他點樣玩。期間,Evan大聲向媽咪表示:「媽咪,我急屎呀!」由於瑩瑩忙於同職員交涉緊,只「唔、唔」兩聲回應囝囝,該男士就醒目帶囝囝去廁所。

(攝影:黃曉程) 當日同瑩瑩一齊喺宜家傢私現身嘅,除咗6歲仔仔Evan,仲有呢個着住黑色Tee嘅中年男人。 中年男子一直陪住Evan。
瑩瑩當日踢住拖,一副街坊裝出現。 揹住媽媽袋嘅瑩瑩,滲出陣陣師奶味。 當日主力係睇衣櫃。
瑩瑩6年前生咗巨B Evan,但當時未婚生子嘅佢,婚姻狀況一直成謎。(資料圖片) 瑩瑩生咗囝囝Evan後,一副有仔萬事足嘅樣。(資料圖片) 由少女角色到依家嘅大媽角色。(資料圖片)
仲記得《天地豪情》嘅Apple…

來源 source: http://s.nextmedia.com
鍾意就快D Share啦!