掃呢頁CODE去手機

2017年8月3日 星期四

激罕 李克勤禁老婆再著泳衣 盧淑儀作反解放三點式 [壹週刊 - 1430] __,克勤,盧淑儀,李克勤,M1,

平日收收埋埋,原來盧淑儀身材仲keep得唔錯,上圍都仲好有料到,一啲都唔似生過兩個小朋友。娛頭激罕 李克勤禁老婆再著泳衣 盧淑儀作反解放三點式92年盧 ...


平日收收埋埋,原來盧淑儀身材仲 keep得唔錯,上圍都仲好有料到,一啲都唔似生過兩個小朋友。

娛頭

激罕 李克勤禁老婆再著泳衣 盧淑儀作反解放三點式

92年盧淑儀成為三料港姐冠軍,隨即被李克勤私有化,封盤退出娛樂圈,當年選美時索爆身材自此密封,想睇唔容易!而克勤亦講到明當年老婆著泳衣選美,已經蝕底咗一次,唔想老婆再著泳衣示人。

老公講明介意,極少在香港沙灘暢泳的李太就算下水,都刻意在比堅尼泳衣外包多件衫,唔會三點式示人,迎合老公保守作風。可惜百密一疏,克勤一家四口到淺水灣游水,在 35° C酷熱高溫下,原本著住件衫游水的李太,翳熱到連防線都放下,除去上衣落水透透氣, 25年後三點式再曝光。

生咗兩個, 44歲盧淑儀身材算係無乜走樣,連肚腩仔都無,加上肌膚雪白,堪稱港姐美魔女!

護花使者

同克勤愛情長跑十多年,○六年拉埋天窗,盧淑儀一直非常低調,絕少性感打扮,水著 look早已成絕響,不過上星期李太突然在 ig放了同老公在沙灘影的泳衣相,雖然張相冇乜嘢可睇到,連事業線都欠奉,但已經勁吸睛。

克勤之前曾公開講過,唔想老婆再著泳衣示人,他說:「喺幾十年前蝕咗一次,實不相瞞我好介意。」而盧淑儀亦好尊重丈夫的決定,每次去游水都收收埋埋,例必在三點式泳衣外加多件衫做保護罩,就算游得唔夠暢快都冇辦法。

一上水,盧淑儀已經好緊張火速著番件衫,細仔 Rex不停逗佢傾偈。

老公𥄫住要著衫

克勤睇住,盧淑儀比堅尼外一直包住衫,唔敢太性感!

克勤在樹蔭位自彈自唱,李太不時坐埋去陪老公。

開始時,盧淑儀著住衫同短褲游水,相當密實!

紅日

日前《壹》仔發現,克勤和太太盧淑儀,帶埋兩個囝囝,一家四口到淺水灣游水曬太陽,克勤夫婦在沙灘搵到個樹蔭位,搭起一個小型帳幕,二人戴住情侶帽坐埋一邊,可能因為快將開騷,克勤大部分時間都坐喺沙灘上,攞住結他自彈自唱,李太喺隔籬一邊聽歌,間中會同老公傾吓偈。

而工人姐姐就負責同克勤兩個囝囝大小老闆在近海邊玩沙,兩公婆坐喺沙灘,視線亦遠距離望到實,非常緊張。

當日天文台發出酷熱天氣警告,沙灘氣溫超過三十五度,盧淑儀在帳幕內都被紅日曬到頂唔順,要行去海邊落水降溫,雖然著住三點式泳衣,但盧淑儀繼續外罩寬身外衣,只係喺近沙灘邊游,無耐又上岸同兩個仔玩一陣。

盧淑儀早前在 ig po泳衣相,但只係睇到少少心口。

在記者會上,有人嗌克勤安排李太在 9月演唱會泳衣上台,嚇到他耍手落閘:我好介意。

一個都不能少

不過,抵不住一輪暴曬,盧淑儀再次落水,但就算浸在水中都熱氣逼人,她開始將衫捲起,最初捲到去胸前露出部分比堅尼 top,過了一陣,她就將兩邊袖摺到去膊頭上,變成超小背心,為咗唔想性感示人,被其他泳客睇蝕,會令老公唔開心,她堅持一直著住衫游水!

其間「小老闆」 Rex鍾意玩沙,由工人姐姐陪住砌沙堆,「大老闆」 Ryan就落水同媽咪一齊游,盧淑儀更耐心教兒子浮水,兩母子黐住玩,十分開心,游咗一陣李太又上岸陪吓細仔 Rex。

陪仔玩完一輪,心繫老公的盧淑儀,就上番沙灘行去搵老公,只見李太邊行邊要用手扭件衫啲水,其實都幾狼狽,行近帳幕邊,又陪老公坐咗一輪,一心幾用的她絕對係廿四孝人妻兼人母,對他們三父子的愛,真係一個都不能少。

為陪家人克勤將 band房移師到沙灘練歌,但講完一個電話,克勤似乎要趕往工作,走前他先行去海邊,用手機幫太太和兒子影相,見他指指點點,三母子更攬住影,兩個仔都顯得好雀躍。

克勤揸機幫太太和囝囝影相,小老闆 Rex即刻擺個靚甫士。

克勤全程無落水,除咗坐埋一邊練歌,就係幫太太同寶貝仔影相。

俾紅日暴曬,盧淑儀捲起件衫散熱。

細心教大仔 Ryan游水。

突然發現泳衣褲條帶鬆咗,盧淑儀解帶再綁!

10年,盧淑儀生完小老闆才三個月,全家人就到新加坡小島旅行,當時李太仍未完全收身。

克勤同盧淑儀一見鍾情, 06年更舉行盛大婚禮迎娶對方。

克勤一家 13年又去新加坡,遊完環球片場就秘去小島游水。

同屬冠軍港姐,李嘉欣盧淑儀私底下好 friend。

愛不釋手

被陽光暴曬,熱到幾乎中暑,亦令盧淑儀開始放下防線,最終決定作反連最後防線外衣都除埋透透氣,露出極少布三點式比堅尼游水,雖然已經四十四歲,但無經過後天加工的盧淑儀,估唔到仲 keep得好 fit,生咗兩個身上亦無多餘贅肉,肚腩仔都無乜,而且皮膚白滑,上圍都仲好有睇頭,難怪克勤多年來都愛不釋手。

游了大約半個鐘,盧淑儀上番沙灘已經急急要攞番件衫嚟著,再行番去帳幕度,搵個帳幕遮一遮,她才用毛巾火速抹乾個身,然後著番 T恤短褲,之後又同工人姐姐,夾手幫兩個囝囝抹身換衫,然後 call司機來接他們返家。

據知,克勤除了安排兩個兒子學琴培養音樂興趣,他亦有安排他們學游水,不過多數都只係在酒店泳池游,但由於兩個兒子愛玩沙,所以每逢放假都會去外地小島游水曬太陽,覺得冇咁易遇到香港人被人眼望望,但由於今年九月克勤要開騷,目前已經開始要進行彩排,所以今個暑假要減少外出,但係克勤幾忙都會抽時間陪仔,今次去沙灘玩遇着酷熱天氣,估唔到因此令李太三點式曝光!

無論點忙,克勤都着重家庭樂,早前就同太太及兒子陪父母到中環吃日本串燒。

到達食肆,李太細心照顧兩個兒子落車。

離開前,盧淑儀同工人姐姐合力收起帳幕,再帶兒子去沖身!

除咗學游水,大仔 Ryan仲有跟老師學鋼琴。

運動高手

婚後專心相夫教子的盧淑儀,除了照顧一對寶貝仔外,同克勤一樣係一個運動迷,羽毛球、高爾夫球瓣瓣掂,一有時間就去做運動。

打羽毛球

近兩年,克勤夫婦愛上打羽毛球,揚言趁兒子瞓覺及返學,就會孖住去拍拖打羽毛球,早前,更計劃遠赴澳洲觀看世界級羽毛球賽蘇迪曼盃,但因演唱會而未能成行。

高爾夫球

與李克勤除愛看足球外,盧淑儀最大興趣是打高球,最瘋狂試過一星期打十四場波,仲考埋高爾夫球教練牌,細仔受感染下,五歲已經愛上打 golf。

做 gym

為咗 keep fit,唔好變師奶身形,盧淑儀近排加緊操練,勤去做 gym,早前於社交網上載一張於健身室內跑步相,更表示「心情唔好」,用運動宣洩。

極速私有化

92年,盧淑儀以大熱姿態贏得港姐冠軍,與當年擔任表演嘉賓的李克勤認識,更火速被克勤追到手,從此退出娛樂圈,當年參選索樣大家一齊回味一下。

相比現時選港姐拋晒胸,盧淑儀當年兩件頭泳衣亦較保守。

盧淑儀摘冠,風頭盡蓋亞軍劉殷伶及季軍張雪玲。

選美要著泳衣兼搔首弄姿,是李太入行最大膽一次。

撰文:娛樂組

攝影:森美、瀚鍾、楊紫


鍾意就快D Share啦!