掃呢頁CODE去手機

2017年8月19日 星期六

【去年11月俾岑杏賢飛】「港姐殺手」袁偉豪5月撻着張寶兒 旅行擦出火 __,袁偉豪,張寶兒,港姐,岑杏賢,

袁偉豪今日喺旺角為一連鎖快餐推廣沖咖啡,佢即場拉花沖咖啡,似模似樣。講到佢同港姐張寶兒撻着(新聞連結:http://bit.ly/2wjbnvp),問 ...


袁偉豪今日喺旺角為一連鎖快餐推廣沖咖啡,佢即場拉花沖咖啡,似模似樣。講到佢同港姐張寶兒撻着(新聞連結: http://bit.ly/2wjbnvp ),問到係唔係瞭解中,佢就話:「OK呀,認識新朋友。」再問到係唔係拍拖,佢就直認:「都算係,不過o依家都要工作。」講到張寶兒唔認戀情,袁偉豪就笑話:「都啱嘅,未過probation,大家仲磨合緊。」佢直認二人喺拍攝旅遊節目時開始:「拍攝節目中有瞭解對方,大家慢慢瞭解中,自己都想穩定咗先交代,同感情事想低調處理,不過紙包唔住火,所以大方認。」計番時間,佢哋今年5月一齊拍攝大台旅遊節目《打工捱世界Ⅱ》時認識,即係開始咗就快4個月。前度岑杏賢係最上鏡小姐,張寶兒就係友誼小姐,袁偉豪似乎特別鍾情港姐喎,佢就話:「緣份,大家話我『港姐殺手』又好、『大媽殺手』又好,自己始終要向前,自己呢個年紀,慢慢都想穩定,感情事好難講,自己工作圈子越嚟越細,未必認識到圈外界別朋友,識到都係圈內朋友多啲,最緊要合眼緣,同佢好甜嘅,又係一個心地好女仔。」之前前度岑杏賢話戥袁偉豪開心,袁偉豪就好感激,大家有keep住聯絡:「o依家用第二個方式愛大家,我都好釋懷。」袁偉豪講到同女友未到見家長階段,自己剛喺深圳拍完嘢,未有時間拍拖,同女友都係用手機聯絡。最後,問到佢自己有着落,會唔會戥岑杏賢着急,佢話:「相信佢一定會搵到,甚至比我更好。」

袁偉豪今日喺旺角沖咖啡,仲認埋同張寶兒拍拖。 (攝影:仇志德)
袁偉豪話係拍攝旅遊節目時認識。 佢哋5月一齊拍《打工捱世界Ⅱ》,即係開始咗4個月。(Ig圖片)
(Ig圖片) 當時日對夜對培養出真感情。(電視截圖) 之前一齊宣傳時都已經好襯。

來源 source: http://s.nextmedia.com
鍾意就快D Share啦!