掃呢頁CODE去手機

2017年7月14日 星期五

想返TVB!吳啟華拍大陸網絡電影:錢囉 __,大陸,吳啟華,TVB,中國,

吳啟華坦言因為酬勞吸引,所以拍大陸網絡電影!藝人吳啟華、朱慧敏、李思欣、程芷渝及吳堯堯等到尖沙咀出席電影開鏡記者會,啟華孖住八歲半女童星接受訪問,他表 ...


吳啟華坦言因為酬勞吸引,所以拍大陸網絡電影!

藝人吳啟華、朱慧敏、李思欣、程芷渝及吳堯堯等到尖沙咀出席電影開鏡記者會,啟華孖住八歲半女童星接受訪問,他表示對方與自己的女兒同齡,難怪份外投契。

講到今次參與大陸網絡電影,啟華直言酬勞吸引,講到有何吸引之處他接演?他笑說:「錢囉!之前因為一次機會認識程芷渝(投資者之一兼演員),就當幫吓佢,而且劇本唔錯,我戲中飾演心理醫生,靠催眠協助求醫者恢復記憶搵出犯人。(酬勞有幾好?)內地市場大,製作費一定高啲,逐日計一定好過平時拍劇,我又集中戲份,幾日就拍完,日薪真係好好㗎!(唔拍香港啲劇?)出年睇吓點,同TVB一直有傾開,但今年冇期,都想返嘅,雖然酬勞少啲,但我TVB出身,同台前幕後感情好,返娘家好開心。」

啟華表示拍完這套電影後會爭取時間陪女兒放暑假,下月初亦會到日本旅行,問到會否接受女兒作幕前演出?他說:「有人搵,但我唔想,細個應該讀書,佢放學已經好忙,要學跳舞、畫畫。(拍個廣告?)睇吓有冇啱囉。」


來源 source: http://hk.on.cc
鍾意就快D Share啦!