掃呢頁CODE去手機

2017年7月25日 星期二

觸動人心!高Ling激讚阿佘喊戲有感染力 __,高Ling,佘詩曼,阿佘,高海寧,

高Ling邊睇邊喊。無綫劇集《賭城群英會》熱播當中,今集高海寧(高Ling)墮樓「身亡」,佘詩曼爆喊一幕,喊到人心都痛埋!東網搵嚟當事人高Ling,問 ...


高Ling邊睇邊喊。

無綫劇集《賭城群英會》熱播當中,今集高海寧(高Ling)墮樓「身亡」,佘詩曼爆喊一幕,喊到人心都痛埋!

東網搵嚟當事人高Ling,問佢拍呢場戲有咩感受?佢話:「好震撼呀!我睇住隻公仔(指假人公仔)跌落去,跌落去好大聲,我都嚇親!同埋我好記得,阿佘嗰日好好戲,一秒入戲,話喊就喊,佢一take搞掂,佢喊得好有感染力。當日拍嘅時候有兩部機,有部機壞咗,阿佘要拍第二take,抹完眼淚就再拍過,但佢都拍得好完美。同埋我頭先喺電視睇,我一路睇一路望住阿佘喊,我都跟住一齊喊呀,覺得好慘!」最後,佢仲讚多阿佘三次好好戲!

高Ling感激粉絲支持,佢話:「咁我好多謝網民支持,收到好多message話鍾意我同何浩文呢條線,我呢個角色係好悲情嘅角色,個角色好簡單,只不過好鍾意一個男仔,但呢個男仔有苦衷,令佢哋嘅感情犧牲咗,如果呢個角色令到大家鍾意,我都好開心。」


來源 source: http://hk.on.cc
鍾意就快D Share啦!