掃呢頁CODE去手機

2017年7月3日 星期一

攰到爆!陳柏宇挨老婆膊頭撒嬌晒恩愛 __,陳柏宇,

玩足一日,攰都好正常!歌手陳柏宇(Jason)與符曉薇(Leanne)於九龍灣國際展貿中心擺酒,一對新人於晚上12時再次見記者,Leanne換上深藍色 ...


玩足一日,攰都好正常!

歌手陳柏宇(Jason)與符曉薇(Leanne)於九龍灣國際展貿中心擺酒,一對新人於晚上12時再次見記者,Leanne換上深藍色Deep V短裙,笑言已是最性感。兩人大呻眼瞓和疲倦,Jason說:「有一刻我真係諗:『又影?』不過唔係喎,咁大喜慶日子都係想親朋戚友嚟飲,冇理由唔影嘅,所以堅持,終於畀我哋捱晒!」Leanne即爆他發了點脾氣:「人哋重複影佢(Jason)就話『又影?』人哋開心嘛。」Jason坦言很開心,所以沒有拒絕拍照。

關楚耀飲醉酒

問到有否給Leanne驚喜?Jason笑說捱到這刻已是驚喜,又指對方多年來已知道希望愈大,失望愈大。Leanne亦表示沒期望過:「我曾幾何時期望過,但原來係冇。(有冇人上台唱歌?)冇,我哋太忙,喺台上不停影相。」說到Jason看似喝醉酒,他自言這晚一滴酒也沒飲,但覺得不夠瞓就像喝醉,他把頭伏在太太肩膊上撒嬌:「小寶寶我唔可以捱。(有冇藝人飲醉?)有呀,阿關(關楚耀)。(佢話冇帶利是封,會直接畀現金你。)係咩?我諗佢記錯咗,冇塞錢入我袋。(問佢攞番?)咁又唔使,就算唔記得都會請我食餐飯,返到屋企發現啲錢仲喺度就知。」

唔想去After Party

另外,他透露稍後會有After Party,但曾經想不去:「依家搞掂啲嘢,返到酒店沖埋個涼都兩點,都唔知去唔去好。(去邊?)自己酒吧,但都一定要去,因為所有朋友都去。」


來源 source: http://hk.on.cc
鍾意就快D Share啦!