掃呢頁CODE去手機

2017年7月18日 星期二

蝦頭自稱「還珠格格」 蕭正楠鬧市玩輕功 __,蝦頭,還珠格格,還珠,蕭正楠,正楠,楊詩敏,

大家有冇睇呢?藝人蕭正楠主演嘅32集無綫新劇《超時空男臣》終於首播,事前大家將佢同好受歡迎嘅韓劇《屋塔房王世子》比較,講真《超》劇嘅第一集都算有睇頭同 ...


大家有冇睇呢?

藝人蕭正楠主演嘅32集無綫新劇《超時空男臣》終於首播,事前大家將佢同好受歡迎嘅韓劇《屋塔房王世子》比較,講真《超》劇嘅第一集都算有睇頭同幾好笑!

畀電話嚇親

首集係講扮演明朝大臣嘅蕭正楠、曹永廉及何廣沛穿越嚟到2017年一個片場內,人哋啱啱拍緊清朝嘅戲份,一身古裝打扮嘅佢哋被負責保安嘅蔣志光同臨時演員領班嘅楊詩敏(蝦頭)當做傻佬。喺大殿內蝦頭嘅手提電話突然響起,三位「大臣」即時好驚,蔣志光要求「對話」,佢哋三個對住手提電話Speaker自報姓名即退後3步,蔣志光應承話會釋放「皇上」,但要以蝦頭作交換。去到呢個地步,蝦頭膽博膽自稱係「還珠格格」,話希望兩國和平共存,於是阿蕭嘅一方攞出件玉佩作為信物,咁蝦頭呢?諗吓諗吓人急智生,掏出個火機聲稱係寶物以作交換,阿蕭佢哋對住個火機覺得好神奇。

引人圍觀

期後阿蕭佢哋識穿咗蔣志光扮明朝皇上條橋,跟住再交代阿蕭「出城」見到打扮同太子妃好似嘅女生坐咗喺電單車上,阿蕭即刻用輕功去追車「救人」,期間仲用武力「迫退」一輛私家車,引得大批途人圍觀......

坦白講,第一集同《屋》劇比較,一啲都唔算失禮,起碼出動大場面、鬧市吊晒威也又幾好笑。蝦頭同蔣志光嘅演技不容置疑,今次阿蕭演大臣都好入戲,希望嚟緊嘅劇情可以承接到高潮迭起


來源 source: http://hk.on.cc
鍾意就快D Share啦!