掃呢頁CODE去手機

2017年7月25日 星期二

林峯撐吳千語夜蒲正常:係冇帶我去囉! __,林峯,吳千語,千語,

林峯力撐吳千語去夜蒲係正常社交。藝人林峯於廣州舉行《HeartAttack林峯世界巡迴演唱會-廣州站》記者會,宣布將於9月23日假廣州國際體育演藝中心 ...


林峯力撐吳千語去夜蒲係正常社交。

藝人林峯於廣州舉行《Heart Attack 林峯世界巡迴演唱會-廣州站》記者會,宣布將於9月23日假廣州國際體育演藝中心開巡唱。他表示出道以來首次在內地開四面台演唱會,這次會將去年香港站的舞台效果完整帶到廣州站,如快速旋轉機關及爆水效果等,亦會有高空吊臂機關去拉近與山頂觀眾的距離。而主辦單位就向林峯送上68片歌詞竹簡及國畫祝他勢如破竹,歌迷亦送上一幅能量金字塔,祝他再票房、人氣創高峰!最後林峯與一眾主辦單位一同拉開巨型心臟,寓意巡唱正式開始。

操肌冇啖好食

受訪時,林峯謂半年前為拍攝內地劇集而剃光頭,知道9月要開巡唱,所以之後特意選拍只需黐頭套拍攝的劇集,讓頭髮可以生長變回正常髮型。問到這次可需再操肌?他說:「要呀,依家啲腹肌唔夠勁,所以要操番,進行地獄式訓練,冇啖好食,同埋上次香港站我都操得幾Fit,今次唔可以輸蝕,服裝都同上次差唔多,都係冇服裝!」他又提到廣州站的演出大致與香港站相同,但會加設新機關。問到可擔心有危險?他坦言:「怕呀,但工作人員怕啲,我表演嗰陣就唔太會驚,但都會做足安全嘅。」又指最有危險性的是要升上半空的舞台機關:「上次紅館騷係啲Dancers上到去唔敢跳,成個台會擺動,練多咗就好啲。」

否認分手傳聞

提到早前有傳林峯與女友吳千語感情出問題,問到女友吳千語屆時可會來捧場?林峯說:「應該唔會,香港站都睇咗啦。(咁又會傳你哋分手?)我都估唔到我唔喺香港6、7個月,大家會咁掛住我。(冇分過手?)冇,大家各有各忙啫。」至於千語是否戒了夜蒲?他就力撐女友,指夜晚去Clubbing非常正常,是正常社交:「唯一係冇帶我去囉,佢啲朋友我都識。(傳你爸爸唔鍾意佢?)我爸爸自己都唔知,佢哋成日食飯,OK嘅。」問到何時結婚?林峯表示現時工作為先:「工作上仲有未做嘅嘢。(有共識?)佢仲咁細!(佢搬咗去你度?)男女朋友探吓大家好正常,我哋各有各住,有自己空間。」有傳他的豪宅加了吳千語個名,他謂私人事不願多談,但他亦承認近日聚少離多,記者即打趣謂兩人會被指感情轉淡,他笑說:「佢肥咗又唔知會點寫喇!」

同千語歐遊一星期

林峯透露千語之前亦曾到橫店拍劇,而自己在內地連拍兩劇,半年來沒有放過一日假,但他覺得值得。問到是否因可以賺大筆人仔?他說:「其次啦,主要係套劇係網絡小說改編,好受歡迎,雖然辛苦,但角色好有發揮。(皮膚敏感?)係好熱同埋盔甲好重,同埋太多打戲,都有啲擦傷。(女友心痛?)都慣喇。」而林峯也透露拍完劇後,剛與千語及一班朋友到歐洲旅行一星期:「喺內地拍劇半年,有目標好過啲。(可以見女友?)主要係去洗滌心靈,揸車周圍去。」


來源 source: http://hk.on.cc
鍾意就快D Share啦!