掃呢頁CODE去手機

2017年7月23日 星期日

【獨家】72歲白髮曾蔭權雙手插袋漫步中環 一個保鑣隨行 __,曾蔭權,

因公職人員失當罪成判囚20個月嘅前特首72歲曾蔭權,服刑2個月後於4月底獲准保釋等候上訴,案件就排咗喺9月26號開審,佢日前(10號)7點幾,就坐住一 ...


因公職人員失當罪成判囚20個月嘅前特首72歲曾蔭權,服刑2個月後於4月底獲准保釋等候上訴,案件就排咗喺9月26號開審,佢日前(10號)7點幾,就坐住一架政府AM車牌嘅7人車喺中環雲咸街落車,身邊就有一個保鑣隨行,佢一身藍恤衫、白西褲樸素打扮揹住嗰背囊,同佢以前西裝骨骨嘅bow呔造型可為分別好大。曾蔭權就一路雙手「插」褲袋,一路沿路喺雲咸街行,精神唔錯,但喺入獄前一黑髮嘅佢,喺獄中冇得染髮,所以見佢一頭白髮出現。曾蔭權路經商舖、後巷都好好奇,停喺度望一望,去到一間賣中國古袋服飾嘅舖頭,佢就望咗好耐先動身。之後,佢路經一間酒吧,就同一名途人握手,再行落斜路時,經過便利店就停喺度打書釘,當中佢望住一本喺新特首林鄭月娥做封面嘅財經雜誌就凝神望足半分鐘,不過就冇用手揭嚟翻閱。之後,佢就再同保鑣徒步,當中保鑣好有警戒心,不時周圍望,而二人就停喺度研究泊喺路邊嘅麥拿倫跑車,沿路都有不少途人,但就似乎未有認出佢係前特首。

(攝影:吳耀輝、畢紹基) 公職人員失當罪成判囚20個月嘅前特首曾蔭權,服刑2個月後於4月底獲准保釋等候上訴。 精神唔錯嘅佢路經商舖、後巷都好好奇,停喺度望一望。
佢望住一本喺新特首林鄭月娥做封面嘅財經雜誌就凝神望足半分鐘。 一路雙手「插」褲袋,一路沿路喺雲咸街行。 佢就再同保鑣徒步,當中保鑣好有警戒心,不時周圍望,而二人就停喺度研究泊喺路邊嘅麥拿倫跑車。
仲同途人握手

來源 source: http://s.nextmedia.com
鍾意就快D Share啦!