掃呢頁CODE去手機

2017年7月25日 星期二

【獨家】43歲楊恭如素顏出巡睇衫 出書訴心聲:為自己而生活 __,楊恭如,

一直被喻為「亞姐中的亞姐」嘅43歲楊恭如,喺95年攞咗亞姐冠軍之後,留喺香港發展一段時間,嗰陣佢啲緋聞都好強勁,對象仲係啲非富則貴嘅人,亦不乏合作過嘅 ...


一直被喻為「亞姐中的亞姐」嘅43歲楊恭如,喺95年攞咗亞姐冠軍之後,留喺香港發展一段時間,嗰陣佢啲緋聞都好強勁,對象仲係啲非富則貴嘅人,亦不乏合作過嘅男藝人,不過最轟動梗係同「上海首富」周正毅嘅一段情。喺02年楊恭如被指搭上「上海首富」周正毅,其後遭人當眾指罵兼掌摑,不過周正毅公開力撐,仲話會繼續同楊恭如約會,但自從周正毅喺入獄後,楊恭如回歸大陸拍劇,好少喺香港出現!(新聞連結:http://bit.ly/2urRTkz)而佢身邊亦都唔多見有男士出現,只係得佢媽咪。全力北上發展嘅楊恭如,得閒都會返嚟香港SHOPPING!(新聞連結:http://bit.ly/2uPeeeK)日前《蘋果》喺銅鑼灣見到楊恭如同佢媽咪,年過40嘅楊恭如仲keep得好好,素顏上陣一啲都唔失禮,大約喺傍晚5點幾,佢哋兩母女去咗希慎睇衫,睇咗一陣都唔啱心水,跟住轉咗去利舞臺繼續shopping,不過佢哋都睇啲名牌服飾,反而去咗大眾化路線嘅UNIQLO,行咗一輪後,又去咗無印良品睇日用品,行咗大約半個鐘左右,佢哋買咗個掛衣袋之後就走人!其實近年楊恭如都有出書做吓才女,15年出咗本遊記,講吓啲旅行體會同喺娛樂圈做嘢嘅感受之外,今年又再推出第二本新書,雖然入咗行20幾年,不過佢仲會當自己係新人,因為佢冇預設自己嘅人生,好享受嗰種意料之外嘅欣喜,佢仲覺唔係為咗任何別人而生活,只係為自己而生活,人生應該活得有趣啲!

採訪、攝影:梁繼光、羅德光 楊恭如返親香港都係同阿媽shopping! 行UNIQLO睇衫!
行咗一輪終於有收獲! 楊恭如出書話做人係為自己而活!

來源 source: http://s.nextmedia.com
鍾意就快D Share啦!