熱爆娛樂: 【甫士問題…】游水被偷拍克勤爆老婆嬲足3日 _

2017年7月23日星期日

【甫士問題…】游水被偷拍克勤爆老婆嬲足3日 __,克勤,李克勤,

「李克勤慶祝成立30週年演唱會」暨歌迷聚會，今日喺灣仔舉行，近200歌迷出席，同場宣佈9月舉行嘅演唱會會終極加場，合共9場。克勤話：「今次加到第9場，一定係最後一場，唔會有得再加。」佢指今次用全新製作班底，搵黃偉文擔任服裝指導，克勤話：「音樂上嘅合作好多，今次搵佢幫我負責啲衫，佢同我講下星期同我去日本，佢話同我老婆搞掂，叫我跟住佢哋後面就得，同埋叫我負責畀錢，我老婆都係咁講。」至於會唔會騷肌，克勤話：「我都有小波地同小老鼠，老婆問我做乜咁勤力操，叫我唔好操咁大，如果唔係啲衫唔啱着。」對於會否獲加歌酬，克勤話如果製作效果好，收少啲都冇所謂。克勤啱啱同屋企人去完新加坡返嚟，之前一家人游水被影到，克勤話：「我老婆嬲咗三日，因為張相舉高腳。」克勤又笑言，好彩有老婆張相，證明唔係佢哋自己放料宣傳，佢話：「其實我警覺性都好高，當時睇過係冇相機，應該一早埋伏咗喺嗰度。今次去新加坡都有游水，自己酒店房有泳池，唔着衫都得，我講係我啲仔呀。」

（右圖攝影：沈健程）	克勤宣佈演唱會終極加場。	今日活動有約200名歌迷參加。
提起之前一家外遊被拍，克勤話最嬲嗰個係太太。