掃呢頁CODE去手機

2017年7月30日 星期日

【係威嘅!】21歲譚曉風牛津碩士畢業 阿倫激罕甫合照 __,阿倫,譚詠麟,

66歲嘅「校長」譚詠麟(阿倫)跟老婆楊潔薇結婚逾30年,遺憾兩夫婦多年來並無所出,反而紅顏知己朱詠婷(Wendy),就幫阿倫生咗囝囝譚曉風。不經不覺, ...


66歲嘅「校長」譚詠麟(阿倫)跟老婆楊潔薇結婚逾30年,遺憾兩夫婦多年來並無所出,反而紅顏知己朱詠婷(Wendy),就幫阿倫生咗囝囝譚曉風。不經不覺,曉風今年已經21歲喇,阿倫同Wendy對呢位獨生子疼錫有加,刻意栽培。而曉風亦不負父母所望,除咗身高6呎,生得高大靚仔外,讀書仲超叻,曾於英國GCSE(英國中學會考)考獲12A*好成績,並以拔尖身份報考世界頂級學府牛津大學。去年曉風參加咗交換生計劃到美國普林斯頓大學作為期一年嘅交流,最近剛喺英國牛津大學Engineering Science(工程科學)碩士畢業。向來好保護屋企人嘅阿倫,都一反常態,今日凌晨喺社交網上分享呢份喜悅。啲相見到曉風背住鏡頭,而正面嘅阿倫個樣就勁開心,豎起手指公讚囝囝好叻,並留言﹕「太開心了!原來一個不留神Harry Pottam已經碩士畢業了!」阿倫之後仲着咗仔仔件畢業袍同戴埋頂四方帽影相留念,而有份見證呢份喜悅嘅,仲有狄波拉同胡鬚Kong,拉姑搞笑扮跪地送花畀阿倫。阿倫繼續開玩笑話﹕「信不信由你:你們剛才所看到的全是幻覺,只是你們在夢中或是睡不醒的錯覺;我才是真正的哈利波譚。嘻、嘻、嘻,自己feel」

拉姑搞笑跪地送花 阿倫着咗仔仔件畢業袍加四方帽影相,笑到四萬咁口。
6歲時候嘅曉風,一直都好受家人保護。
曉風讀書叻過老竇,以拔尖身份報考牛津大學。圖片 曉風大個仔,間中都會陪老竇同一班uncle食飯。(資料圖片)

來源 source: http://s.nextmedia.com
鍾意就快D Share啦!