掃呢頁CODE去手機

2017年6月20日 星期二

譚芷昀:畀Celine爸撬客 薛家燕嬲爆狂數 __,Celine,薛家燕,家燕,譚芷昀,

薛家燕嬲了!唱出國際而爆紅的「香港小巨肺」9歲女童譚芷昀(Celine),昨晚父女二人赴美,似乎為女兒所參加的《全美一叮》(America'sGotT ...


薛家燕嬲了!

唱出國際而爆紅的「香港小巨肺」9歲女童譚芷昀(Celine),昨晚父女二人赴美,似乎為女兒所參加的《全美一叮》(America's Got Talent)選拔賽事作準備,能否成為最年幼歌后則屬未知數,但這名小歌后爸爸譚順生,卻惹來薛家燕看不過眼,並被大爆曾在「家燕媽媽藝術中心」內「搶客」。

家燕姐接受東網訪問,直言對譚順生處事手法很有意見,並強調公開原因是希望他能夠反省,不想他影響Celine發展之路,家燕姐說:「Celine唱歌、演戲都好有天分,人又好乖,佢爸爸當時(約兩、三年前)帶囡囡嚟我學校報名學唱歌,又話想演戲,之後佢話都係教唱歌,我見中心橫豎請人所以請埋佢,就連佢話想我幫佢囡囡搭路參加《中國新聲代》,我都出晒人情牌,點知佢返嚟同人講話自己有法幫人參加呢個比賽,完全冇提過我!(搶客?)都係啲學生家長同我講番,原本上我堂,上上吓要去咗佢度上,學費仲收一萬幾元,我都係收二千幾咋!(撬走幾多學生?)十幾個,不過後來都返晒嚟我度!(有冇當面對質?)冇,只係搵人叫佢唔使再返工!(過橋抽板?)其實呢行有行規,我只係想佢反省吓,呢行好細,如果其他人想搵佢合作都會有戒心,我唔想咁而影響Celine,呢個女仔真係可造之材。」記者多次聯絡譚順生,至未有回覆。


來源 source: http://hk.on.cc
鍾意就快D Share啦!