掃呢頁CODE去手機

2017年6月1日 星期四

【拖實賈思樂】「契姐」阿寶言論影響家人朋友 陳松伶眼濕濕:我好內疚 __,賈思樂,陳松伶,

陳松伶「契姐」阿寶與契妹Han聯手出自傳,揭陳松伶私密,陳松伶2005年搬離阿寶的家,向傳媒稱遭阿寶騙走全部身家,當時身無分文,只帶著內衣褲被趕出家門 ...


陳松伶「契姐」阿寶與契妹Han聯手出自傳,揭陳松伶私密,陳松伶2005年搬離阿寶的家,向傳媒稱遭阿寶騙走全部身家,當時身無分文,只帶著內衣褲被趕出家門,事隔12年,阿寶宣佈要出書,指有人為塑造慘情形象而講大話,噚晚10時,一直保持沉默嘅陳松伶發聲明指阿寶及Han之言論失實(新聞連結:http://bit.ly/2rWkj7K)。身穿米色衫配黑米間條長裙嘅松松今午3點08分抵達,出席賈思樂演唱會嘅綵排,比原定時間遲咗廿分鐘到場,喺黑色七人車落車,先同女友人擁抱,然後入內,見佢全程笑晒,似乎未有受事件影響,同場仲有李樂詩同韋綺姍,佢就事件作出回應。陳松伶同賈思樂接受傳訪問,喺《蘋果》fb live中講到,希望可以傳達到開心嘅訊息,好似歌曲《Happy Together》咁,而且佢同賈思樂相識廿幾三十年,大家一齊大,有好多開心嘅事。而且陳松伶喺現場捉實賈思樂手臂,而且睇落心事重重。在旁嘅賈思樂又講到:「認識咗咁多年未試過合作,佢(陳松伶)願意喺北京特登飛番嚟,我好感恩有你呢個朋友,好期待當晚演出。」問到「契姐」阿寶與契妹Han嘅言論會否影響心情?陳松伶聽到問題後,先呆咗幾秒,然後有少少眼濕濕回應:「正常人都會有影響,但我要做好個騷,唔可以破壞個騷。」身旁嘅韋綺姍等人都話會支持佢,好撐佢。期間公關、助手嘗試終止訪問,但陳松伶繼續留步回應傳媒,陳松伶又提到:「我係一個好容易感動,一個重感情嘅人。」問到陳松伶會否保留法律追究權利?佢表示:「我已經喺聲明講咗,簡而清咁表達咗。」最後問到怕唔怕契姐契妹嘅言論會影響到新加坡嘅朋友?「影響就好肯定,同埋影響到我嘅家人、好朋友,我自己好內疚。」整個訪問大約歷時4分鐘左右,然後陳松伶由賈思樂等人陪同下離開。

詳情睇《蘋果》facebook

相關連結:https://www.facebook.com/hk.nextmedia/?hc_ref=PAGES_TIMELINE

(攝影:仇志德、徐錦池、孔志豪) 陳松伶今日出席賈思樂演唱會綵排。
陳松伶接受訪問時拖實賈思樂。
面有難色,心事重重。

來源 source: http://s.nextmedia.com
鍾意就快D Share啦!