掃呢頁CODE去手機

2017年6月16日 星期五

點解嘅?黃建東畀阿媽勸唔好濫交 __,黃建東,

Derek自己忙,阿爸又喺大陸工作,所以趁住父親節要好好慶祝吓。憑惡搞《PPAP》而上位的黃建東(Derek),趁住父親節帶同兩老去嘆茶,他表示平日工 ...


Derek自己忙,阿爸又喺大陸工作,所以趁住父親節要好好慶祝吓。

憑惡搞《PPAP》而上位的黃建東(Derek),趁住父親節帶同兩老去嘆茶,他表示平日工作忙碌,爸爸又多數留在內地工作,故二人很少見面,趁一年一度父親節來臨,他專程請爸爸飲茶慶祝,又餵爸爸食點心,令黃爸爸甜在心頭,Derek說:「父親節破戒食好啲,佢哋成日嫌我肥!」黃媽媽即笑說:「你自己都知啦,唔好成日喺屋企食零食。」黃爸爸亦附和說:「佢最大優點係工作認真,但缺點係太為食!」

想不到父親節茶敍變爆料大會,黃媽媽愈說愈起勁:「個仔講嘢夭心夭肺,一家人喺屋企唔會好嚴肅,佢唔會叫我做阿媽,會叫英文名,仲叫『婦人』過嚟呀!好乞人憎!」黃媽媽續說:「想聽番佢叫阿媽,好想聽番呢啲說話。」Derek見狀即擁抱媽咪補鑊,又賣口乖大讚媽咪:「父母幾前衛,媽咪好與時並進,記得我小學五年級,有一次同媽咪搭巴士,嗰時青春期,媽咪同我講:『仔呀,你大個咗記住唔好濫交呀!』好搞笑。」

身為主角的黃爸爸見到兩母子你一言我一言都忍俊不禁,Derek隨即踢爆爸爸最喜歡熊抱他兩兄弟,黃爸爸聽罷即示範如何愛的抱抱囝囝,場面溫馨。之後一家三口移師戶外做運動,每朝六時起床的黃爸爸又教Derek做熱身運動,雖然Derek做到身水身汗,但認為這個父親節過得很有活力,並祝父母身體健康!

場地:雲來軒@尖沙咀

化妝:Alfred@Seven sense

髮型:Deep Yu@Beijing Hair Culture

服裝:EVISU;Palladium HK


來源 source: http://hk.on.cc
鍾意就快D Share啦!