掃呢頁CODE去手機

2017年6月7日 星期三

秋官玩爆料!陳松伶真係有咗? __,秋官,陳松伶,鄭少秋,

陳松伶係咪真係有咗㗎?!藝人陳松伶為好友賈思樂(Louie)演唱會擔任嘉賓,她性感上陣,身穿透視薄紗裙的她心口DeepV及大露背,但內有肉色打底。她唱 ...


陳松伶係咪真係有咗㗎?!

藝人陳松伶為好友賈思樂(Louie)演唱會擔任嘉賓,她性感上陣,身穿透視薄紗裙的她心口Deep V及大露背,但內有肉色打底。她唱出鄧麗君歌曲組曲,期間跟台下的鄭少秋及官晶華打招呼,秋官突然恭喜松松有喜:「恭喜你有咗BB。」松松即笑言:「雖然我肥咗,但未有喜。」之後在觀眾起哄下秋官更上埋台跟大家打招呼。接着松松與賈思樂又跳又唱《Can't take my eyes off you》,臨尾松松更與對方咀嘴。

「有喜話畀你哋聽!」

受訪時講到松松很性感,問到老公可批准?她笑言老公有事先睇過,問到跳舞不怕會走光嗎?她謂:「做足安全措施,所以唔驚。」她又謂本身鍾意玩:「本身大家以為我同Louie會斯斯文文唱情歌,但我哋唔會,我哋老友鬼鬼平時係癲嘅,綵排都有蝦碌嘢,唔覺意kiss咗,但大家太friend冇所謂,頭先我都有夾硬kiss佢,因為40周年嘛。(佢之前話唔識跳舞?)佢太謙虛啦,佢跳舞好叻,我細個已經睇佢跳舞,同埋呢啲step都係佢教。」講到秋官誤會她有咗,現年46歲的她即笑言:「係呀,但我有咗...乜好呢。(佢點解會以為你有咗?)唔適當時機唔講得,不過可能佢以為係我領養小朋友。(但你同老公都想生小朋友?)好想,遲啲先講,有喜話畀你哋聽,其實一直都有試唔同方法,例如雪卵,但要睇緣分。(未有BB?)未有。」

老公係傳統男人

講到領養,松松表示今年去了探訪天津的殘疾兒童福利院,打算領養小朋友,但此是長遠計劃,她亦謂自己將來一定是兒孫滿堂。問到老公有何看法?她表示:「佢初初係抗拒,因為佢係傳統男人,但經過佢自己接觸,我冇遊說佢,佢自己都感動到,之後佢自己話畀我聽我哋有乜方法可以幫手,所以我好感動,身邊男人嘅愛心係自發出嚟。」而講到最近被契姐契妹力數一事,問到老公可都很支持她?她謂:「身邊人係佢,所有嘢佢都知道,所以佢叫我加油,會同我一齊面對。(有冇影響你心情?)依家好肯定冇,初初消化唔到,覺得太突然,但身邊好多朋友支持,好感動,但其他嘢不便講,因為已經進行法律程序。」


來源 source: http://hk.on.cc
鍾意就快D Share啦!