掃呢頁CODE去手機

2017年6月17日 星期六

【恭喜晒!】「阿一」布偉傑娶化妝師 科學園擺酒咀不停! __,布偉傑,

「阿一」布偉傑(BrianBurrell)同拍拖3年嘅化妝師女友Celia上個月喺美國結婚,今日一對新人喺科學園舉行婚宴,大約喺6點左右,布偉傑同太太 ...


「阿一」布偉傑(Brian Burrell )同拍拖3年嘅化妝師女友Celia上個月喺美國結婚,今日一對新人喺科學園舉行婚宴,大約喺6點左右,布偉傑同太太Celia現身見傳媒,佢哋仲應大家要求錫個不停!不過影完相之後,布偉傑先安排太太返回場內,佢自己就留低接受訪問!布偉傑話婚宴將會筵開25圍,請咗李思捷、喬寶寶、黃建東、王俊棠與黑妹姐等人出席,問到今朝有冇接新娘嘅儀式,佢話:「因為太太經常幫新娘新妝,又成日做婚宴司儀,覺得有啲悶,所以今次我哋決定反傳統,冇接新娘儀式,甚至今晚嘅餐單都好特別,唔會有乳豬同魚翅,因為宗教關係唔會提供酒,但係音樂性好豐富,LIVE BAND演奏!」布偉傑話佢自己會唱兩首好有意思嘅英文歌冧太太。講到上個月20號喺美國猶他州猶他州註冊,唔知又係咪專登揀一個有意思嘅日子註冊,布偉傑哈哈大笑話:「唔係,只係咁啱嗰日係好日子,所以咪註冊!」蜜月方面,佢就話:「我前幾日喺活動話本來去美國蜜月,點知太太睇完之後話嗰啲唔係叫蜜月,係叫返鄉下,所以我0依家會再研究一下去邊,不過我哋0依家啲工作好忙,嚟緊要做舞台劇,10月又要去泰國拍電影,睇吓到時可唔可以喺夾一夾時間,去北部或者柬埔寨旅行!」


來源 source: http://s.nextmedia.com
鍾意就快D Share啦!