掃呢頁CODE去手機

2017年6月25日 星期日

唔准提問!譚順生一次過回應負面新聞 __,譚順生,

譚順生今日新碟發布會變澄清大會。年僅九歲的「香港小巨肺」譚芷昀(Celine)參加美國才藝節目《全美一叮》(America'sGotTalent)而爆 ...


譚順生今日新碟發布會變澄清大會。

年僅九歲的「香港小巨肺」譚芷昀(Celine)參加美國才藝節目《全美一叮》(America's Got Talent)而爆紅,但其身為唱歌導師兼歌手的爸爸譚順生(Steve)近日負面新聞卻一籮籮,先被薛家燕指撬走學生,後有個人資歷被質疑有錯,再有被指利用《中國新歌聲》香港賽區冠軍張翊龍,另外佢又回應關於博士學歷問,詳情請看另一段相關新聞。

今日Steve出席新碟發布會,吸引約廿位傳媒到訪,之前他曾講過今日會交代一切事情,今日在活動上他履行諾言,但就不設傳媒訪問,全程在台上自己交代。他首先多謝傳媒朋友對他的關注,故現時一次過回應所有傳聞,首先他講到《中國新歌聲》,表示任何人有興趣搵佢學唱歌自己無任歡迎,唔會理他是否自己的學生,亦謂冇逼過任何人跟他學唱歌,呢啲係自願。

展示捐款收據

第二有關家燕姐的指摘,他表示之前在聲明已經講過,唔想再講,但謂之前剛返回香港時已第一時間做了自己承諾的事,把8萬元以家燕姐名義捐給慈善機構,亦對家燕姐致歉,他隨即展示捐款收據,並謂希望此事告一段落。

為記錯年份講唔好意思

第三講到翻唱歌曲奪冠威水史年份有出入,他解釋事隔廿多三十年,自己是憑記憶口頭上跟助手講,自己處理得唔好,冇親身核實資料準確性,令年份有差異,故講唔好意思,但他重申獎項是真,並承諾受過教訓後,將來擺出來的資料會審慎處理。


來源 source: http://hk.on.cc
鍾意就快D Share啦!