掃呢頁CODE去手機

2017年6月2日 星期五

【小三唔一定靚過正室】仲間婚姻觸礁 老公偷食對象遭起底 __,仲間,小三,仲間由紀惠,

37歲日本女星仲間由紀惠曾經係當紅玉女,代表作《我Miss係大佬》更令佢迷倒萬千觀眾,不過自從佢大前年閃嫁現年51歲男星田中哲司後,似乎疏於keep住 ...


37歲日本女星仲間由紀惠曾經係當紅玉女,代表作《我Miss係大佬》更令佢迷倒萬千觀眾,不過自從佢大前年閃嫁現年51歲男星田中哲司後,似乎疏於keep住靚樣,早前更以新髮型亮相音樂節目《MUSIC FAIR》驚變大媽,昔日靚樣及弗爆身形已不復見。今日出版嘅雜誌《Friday》報道指田中哲司背妻偷食,日前頭笠漁夫帽兼戴上口罩鬼祟外出,當晚趁仲間出國期間,搭的士去星級髮型師田所幸子寓所,直至深夜12點才頭耷耷搭的士走人。偷食傳聞傳出後,大批網民都替仲間不值,留言鬧爆田中十分可恥,而田所幸子亦被起底,得知佢擔任髮型師已經25年,稱得上係圈中最Top嘅星級髮型師,唔少藝人、運動界及政界人士都係佢熟客。田所幸子已經40多歲,無論外型同年紀都遜於仲間,網民都話唔明田中仲要偷食。《Friday》日前追訪從家門步出嘅田所幸子,對於田中哲司日前夜訪其寓所,田所表示冇咁嘅事,形容對方只係其中一個熟客。不過有知情人士指,田中多年前已搭上田所幸子,所以當初同仲間發展地下情早已一腳踏兩船。

田中哲司被指同仲間發展地下情時已經一腳踏兩船。 小三髮型師有指就係田所幸子。 田所幸子否認搭上田中哲司,解釋對方只係熟客。

來源 source: http://s.nextmedia.com
鍾意就快D Share啦!