掃呢頁CODE去手機

2017年6月24日 星期六

【已捐8萬】Celine爸爸未致歉 家燕媽媽決絕:唔使俾電話我! __,Celine,薛家燕,家燕,

小巨肺Celine譚芷昀參加《全美一叮》衝出國際,點知個波射歪咗變成紅咗爸爸兼唱歌導師兼歌手——譚順生。譚生嘅負面新聞日日新鮮,佢本人當然亦清楚明白知 ...


小巨肺Celine譚芷昀參加《全美一叮》衝出國際,點知個波射歪咗變成紅咗爸爸兼唱歌導師兼歌手——譚順生。譚生嘅負面新聞日日新鮮,佢本人當然亦清楚明白知道,所以噚日揀咗最早嗰班機,同囡囡由美國返港兼A閘兜大圈去B閘出,結果都係避唔開傳媒。最後譚生……即係Dr Steve以Celine要趕返學為由匆匆離開,咁究竟Dr Steve有冇打俾鬧爆佢破壞行規夾硬搶走學生嘅家燕媽媽道歉?有冇遵守承諮捐出8萬學費做善事,都係未知。Dr Steve份聲明係上周二(20號)發出。今日家燕媽媽到馬鞍山廣場賣成人奶粉,一身紅卜卜……嘩……「我一直都有飲開呢隻成人奶粉㗎,我呢個年紀,最緊要係補鈣,低脂,身體都好好,皮膚都唔似我依家呢個年紀。」又話冇諗退休,可以keep住用腦,最緊要保持心境開朗啦咁樣樣。話題跟住就扯咗去Dr Steve嗰啦,家燕媽媽話:「噚日我個女收到message,就係用譚順生博士嘅錢,但係用薛家燕名義捐咗8萬蚊俾保良局嘅收據,我相信嗰啲錢都係我啲學生嘅學費,捐咗去都係好事。」問Dr Steve有冇向你道歉?家燕媽媽稱:「呢個就未有,不過唔使俾電話我,我都唔鍾意提起任何嘢。」嘩……對於Dr Steve喺佢個官網大晒冷,稱自己曾多次憑翻唱歌曲得獎,列晒歌名同年份,但奇在得獎年份竟然仲早過首歌推出年份,令人嘖嘖稱奇。家燕媽媽就表示未有留意相關報道,故不回應喇。「其實我同佢真係好少接觸,件事都告一段落,我淨係知佢上堂時會派卡片。依家佢都做咗善事囉,我都唔想再提,不過Celine真係唱得好好,希望佢都唔好忘記學業,努力讀書。」可覺得Celine被當成工具?家燕媽媽聞言皺眉道:「我覺得學業最緊要,好似我個女咁,讀大學讀到一半話想入行,我都叫佢讀好啲書先,讀完先至問我,小朋友學業係好重要。」但Dr Steve都係爭你一句道歉喎!家燕媽媽話:「唔使喇,我哋大人有大量。」

(攝影:陳俊強)
家燕媽媽指Dr Steve未有同家燕姐道歉 家燕媽媽一聽到Celine被當成工具,就皺一皺眉

來源 source: http://s.nextmedia.com
鍾意就快D Share啦!