由於上次演出的歌衫（圓圖）惹起爭議，王馨平現在徵詢着乜歌衫演出先唔會畀歌迷投訴。
歌手王馨平（Linda）出席電台訪問，她表示7月將參與一個中樂形式的音樂會：「好開心同呢類樂團合作，喺文化中心舉行，今次樂手會有百幾人。」而歌曲方面她會選唱一些電影主題曲：「會有我嘅《別問我是誰》，大家都話係《春嬌與志明》嘅歌，仲有首係李連杰同鍾麗緹個套《中南海保鑣》嘅主題曲《不要躲避我的眼睛》。」
性感定唔性感？
至於歌衫方面，48歲的Linda笑言現時大家都很留意她的服裝：「究竟觀眾係希望我性感定唔性感？」又提到之前在電視節目《博愛歡樂傳萬家》中穿着的Deep V晚裝遭觀眾投訴：「我性感又投訴，其實嗰套衫前面有層薄紗，肉色嘅，要讚一讚個設計師，影相都睇唔出，但唔係真係咁暴露嘅，今次可能投票吓睇吓大家意見係點。（旗袍？）good suggestion（建議），可以試吓。」
學生好國際化
而Linda表示是靠做瑜伽Keep Fit。問現時有兼職教瑜伽的她可有被學生集郵？她說：「冇喎，因為啲學生係好國際化，好多外國人，未必知我係邊個，都有啲係亞洲人，見到我會笑吓，但呢個係另一件事，我唔係以歌手身份去做，我好認真同好着緊啲學生，唔可以令佢哋受傷，我唔係玩玩吓嘅。」她又笑言因上堂時太投入，投放很多精神，所以最近好似再發育：「呢排食好多嘢，上完堂之後就好肚餓。」
來源 source: http://hk.on.cc
|
鍾意就快D Share啦！
|
|
|
