掃呢頁CODE去手機

2017年6月25日 星期日

200萬!霆鋒搞美食競技助得獎者創業 __,霆鋒,謝霆鋒,

霆鋒出錢又出力,希望可以吸引到民間高手現身參加比賽。謝霆鋒主理的《鋒味》節目,將會在新一季推出變奏美食競技版本,霆鋒親率鋒廚團隊挑戰世界各地廚藝高手, ...


霆鋒出錢又出力,希望可以吸引到民間高手現身參加比賽。

謝霆鋒主理的《鋒味》節目,將會在新一季推出變奏美食競技版本,霆鋒親率鋒廚團隊挑戰世界各地廚藝高手,而鋒廚團隊嘅成員,就會由選拔賽中產生。

今次舉行選拔廚神耩思新穎且規模龐大,至於霆鋒為何有民間選廚神的構思?他說:「其實唔一定要喺民間,你可以係一個已經professional,喺酒店做緊大廚都得,只不過今次希望發散啲,大家多啲人參與一齊去玩,既然大家都話高手在民間,可能有啲唔係真係喺美食界,但又好煮得嘅人,亦都希望可以透過呢一次,贏到一筆創業基金,因為我知道好似喺香港,有美食夢想嘅人,但要追求其實係好難,租金又貴,食材又貴,各樣那樣競爭又大,如果有一筆咁樣嘅資助絕對係一件好事,我相信有好多對美食有追求嘅人囉。」

幫助創業圓美食夢

談及勝出者可得到200港幣創業基金,到底如何分配這筆獎金?霆鋒解釋說:「我哋依家喺呢個月底開始,畀人去上傳,佢哋嘅烹飪短視頻去我哋個Facebook,由依家到8月中。之後我會揀60個同我喺8月中去上海嚟多一場3日嘅PK廝殺,一個咁樣嘅海選賽,最後foul剩嗰8個就入我個團隊,咁我呢個團隊會去周遊列國,去畀其他大廚挑戰,依家已經聯絡咗世界各地,好多人想挑戰,嚟挑戰鋒味,我哋已經接到好多,真係好多星級大廚,好多國家話...我都唔知點死,anyway,個賽制可以同我捱到最後個12集嘅人,就分別可以得到超過200萬港幣嘅創業基金,第一名100萬人民幣,第二名50萬人民幣,第三名係30萬人民幣,total超過200萬港幣。」

歡迎不同人種參加

霆鋒再補充說:「同埋今次係希望可以吸納到唔同國家嘅人,所以我係用咗英文、廣東話、國語,甚至乎新加坡、馬來西亞、泰國、越南等語言,希望吸納到多啲唔同嘅人參與。」他又叮矚參賽者要密切留意他的Facebook,因網上會不斷推出更多貼士及提議給參賽者作準備功夫,多留意他幾個唔同的鋒味平台,會陸續公布參賽細則。至於得獎者所得的200萬創業基金,是由霆鋒及贊助商及節目組集資。


來源 source: http://hk.on.cc
鍾意就快D Share啦!