掃呢頁CODE去手機

2017年6月1日 星期四

晒股泳照多負皮 超雲陪掃貨氹黑面超蓮 [壹週刊 - 1421] __,超雲,何超蓮,超蓮,M1,

超雲同超蓮齊齊露膊裝上陣,現身銅鑼灣行街。同你吟一吟晒股泳照多負皮 超雲陪掃貨氹黑面超蓮賭王三房千金超雲同超蓮不嬲姊妹情深就係人都知㗎啦,呢日兩姊妹結 ...


超雲同超蓮齊齊露膊裝上陣,現身銅鑼灣行街。

同你吟一吟

晒股泳照多負皮 超雲陪掃貨氹黑面超蓮

賭王三房千金超雲同超蓮不嬲姊妹情深就係人都知㗎啦,呢日兩姊妹結伴出巡銅鑼灣行孖咇 shopping,炎炎夏日,成功搣甩幾十磅肥肉嘅家姐超雲以 shape醒黃色露膊裝上陣,大晒其白滑膊頭,而妹妹超蓮當然都唔執輸,白色露膊裝再配熱褲,兩姊妹都咁鬼吸睛,當然引嚟途人多兩眼!

唔知係咪因為晒股 bikini相,俾網民請食大量負皮影響,起初超蓮全程嘴扁扁,無論家姐講咩佢都無反應,見細妹心情唔多靚,超雲就即刻拉細妹去卡通 Line店行街,超雲更童真地拎起支卡通按摩棒扮 cute騷俾細妹睇,兩三下散手,超蓮即刻笑番晒!

之後兩姊妹再轉戰化妝品店,其間兩人不停拎起化妝品向店員查問產品用法,都啱嘅,化妝品用上面,就梗係要清清楚楚,用錯咗容乜易變如花㗎!

超蓮心情唔多靚,邊行邊發,講到手指指好勞氣。

超雲為氹番細妹開心,即拉超蓮入卡通精品店,盡顯童心。

去到化妝品店,兩人不停拎起化妝品向店員查問。

超蓮早前同班姊妹去泰國布吉旅行,其間網上大晒三點式及全身背面照放, ig上又大晒白滑翹臀,不過有部分網民就惡意批評。

撰文︰八珍


鍾意就快D Share啦!