掃呢頁CODE去手機

2017年5月29日 星期一

【Mall姐的幸福結局】終輸畀撒嬌的女仔 林文龍為愛放棄CEO之位 __,林文龍,

噚晚《不懂撒嬌的女人》,播出一連兩個鐘嘅大結局,一開始就講林文龍又返去幫游生手,呢時候高海寧又再向林文龍埋手,傾傾下嘅時候,高海寧同林文龍越講越近,仲 ...


噚晚《不懂撒嬌的女人》,播出一連兩個鐘嘅大結局,一開始就講林文龍又返去幫游生手,呢時候高海寧又再向林文龍埋手,傾傾下嘅時候,高海寧同林文龍越講越近,仲出手摸下林文龍背脊,十足十賤Han上身咁,不停咁埋林文龍身,兩個仲一齊去到上海。不過Mall姐就係Mall姐,跟住飛埋去上海,問下林文龍發生咩事,但林文龍咩都冇講,Mall姐一句要林文龍跟佢走,林文龍就放棄咗一個機會跟咗Mall姐走,不過返到香港,兩個嘅問題都係末解決,Mall姐塊面都係咁黑。返到香港,林文龍返到去傲星返工,Mall再出招,跟埋去傲星做林文龍嘅助理,都係為咗睇實林文龍,可惜都係跟唔到高Ling同林文龍,因為高Ling有聯絡郭力嘅方法,為咗唔畀游生知,所以林文龍一直都唔話畀Mall姐知。去到上海,林文龍頂唔住Mall姐對佢唔信任,除低咗結婚戒指,叫Mall姐掉咗佢,Mall姐只係放低咗,林文龍轉頭就想走,點知Mall姐講咗一句:「你都唔係第一次走咗去。」林文龍就回頭跟返Mall姐。呢段愛情終於開花結果,最後兩個仲一齊去到上海做嘢,結局前佢哋仲一齊陪住好多小朋友,手抱住一個BB,Mall仲話自己做唔到一個懂撒嬌的女人,但就輸畀一個撒嬌嘅女人,應該就講緊嗰個係佢哋嘅BB女喇,但之前都講過Mall姐係生唔到BB,咁多個小朋友又有唔同國籍,睇嚟就似係收養嘅,咁手抱嗰個,又會唔會係之前Mall雪藏咗嘅卵子所生出嚟嘅呢?

(《不懂撒嬌的女人》節目截圖) Mall姐抱住個BB。(《不懂撒嬌的女人》節目截圖) (《不懂撒嬌的女人》節目截圖)
兩人甜蜜對望。(《不懂撒嬌的女人》節目截圖) 夕陽下的溫馨畫面。(《不懂撒嬌的女人》節目截圖)

來源 source: http://s.nextmedia.com
鍾意就快D Share啦!