掃呢頁CODE去手機

2017年5月4日 星期四

許廷鏗胞兄許永鏗 與周秀娜前師妹 A Lin拍拖 [壹週刊 - 1417] __,廷鏗,周秀娜,許廷鏗,M1,

二人拍拖半年,感情穩定,是馬會會員的許永鏗亦不時與ALin秤不離鉈。探熱針許廷鏗胞兄許永鏗 與周秀娜前師妹ALin拍拖出道後的許廷鏗(Alfred), ...


二人拍拖半年,感情穩定,是馬會會員的許永鏗亦不時與 A Lin秤不離鉈。

探熱針

許廷鏗胞兄許永鏗 與周秀娜前師妹 A Lin拍拖

出道後的許廷鏗( Alfred),曾被踢爆家境有米。背景好,許廷鏗的三個兄姊亦統統事業有成,其中與他感情最深的哥哥許永鏗( Wilson)律師出身,去年轉行做 banker,並與周秀娜前師妹 A Lin(裴殷)拍拖。據知,泊到好碼頭的 A Lin,今年跟經理人及導演黃真真約滿後便轉行,淡出娛樂圈。

舊愛是遊戲展女模

入行六年多的許廷鏗,甚少提及家人,亦從不公開一家人的合照。唯一見得最多,是他的哥哥許永鏗( Wilson)。「佢屋企好低調,兩個家姐都唔鍾意上鏡,二家姐 Linda舊年結婚,今年生埋 BB,係許家第一單喜事,阿哥反而唔介意出鏡,前度 Connie又係遊戲展嘅 model,都係半個娛樂圈人。」有知情者說。

初出道是周秀娜的師妹,出過寫真,是模中走清純路線的一個。

慶祝男友生日,兩人眼神甜到漏。

兩人的拍拖節目大多是行山,非常健康。

為男友轉行

三十出頭的 Wilson,去年由律師轉行在 UBS做 banker。「佢喺港大法律系畢業,做過律師,佢同女友 A Lin幾年前已經識,舊年撞番大家都係單身,就開始拍拖,兩個喺埋一齊超過半年。」據知, Wilson對 A Lin非常認真又照顧,半年關係已經發展至見晒雙方家長。

一一年, A Lin突然放棄香港市場,隻身到北京電影學院進修。「嗰陣佢恃住係周秀娜師妹,喺香港都有啲成績,有啲戲拍吓,點知佢突然話去北京學戲,讀完一年課程後,佢就留喺北京發展,入劇組拍劇,前兩年俾導演黃真真睇中簽約旗下,去年中返嚟香港,就同 Wilson拍拖,為配合男友屋企嘅低調作風,決定轉行試其他嘢,好似話係關於藝術。」有知情者說。

許廷鏗同哥哥許永鏗,由細到大都感情好。

許父雖銜頭多,但為人低調。

兩兄弟曾就讀同一名校聖若瑟書院。

許永鏗的前度是 model Connie。

年前 A Lin跑到北京電影學院進修一年,還在當地遇上導演黃真真,黃更成為她的經理人。

手持過億物業

許廷鏗家境富裕,家住大圍四千呎獨立屋,爸爸許義鏞做貿易生意,亦是「香港腎臟基金會」副主席,及新界總商會的董事,又是馬匹「競技英雄」、「勝利公爵」馬主團體成員。據知,許父於 96年開始炒工廈,現手持物業市值超過八千萬。「 Alfred個老豆好叻,佢哋喺汕頭個許家祠堂好勁,以前 Alfred幫 TVB拍過特輯介紹過,佢老豆鍾意入馬場,又同朋友一齊養馬,之前幫 Wilson(許永鏗)入咗名做馬會會員,隻馬「勝利公爵」 Wilson都有份,好似遲啲都會幫佢細仔搞埋做會員。」

一屋專業人士

許家在大圍的四千呎獨立屋。

在許父的嚴厲管教下,許氏四兄弟姊妹均是專業人士,許廷鏗的哥哥許永鏗畢業於香港大學法律系,做過律師,現轉行做 banker;兩位胞姐,分別是醫生及 banker,而許廷鏗則於 13年香港大學修畢牙醫學士課程,取得牙醫執照,入行做歌手後亦做牙醫,身兼兩職。

撰文、攝影、攝錄:娛樂組


鍾意就快D Share啦!