掃呢頁CODE去手機

2017年5月15日 星期一

【經歷兩段失敗婚姻】林敏驄曾娶索妻 唔敢再結婚﹕見過鬼怕黑 __,林敏驄,

林敏驄將於6月喺紅館舉行出道三十五年紀念作品展音樂會,日前接受商台《1圈圈星光背後》訪問。林敏驄向來被喻為「填詞界鬼才」,但87年填完張國榮嘅《無心睡 ...


林敏驄將於6月喺紅館舉行出道三十五年紀念作品展音樂會,日前接受商台《1圈圈 星光背後》訪問。林敏驄向來被喻為「填詞界鬼才」,但87年填完張國榮嘅《無心睡眠》後就唔再寫詞,佢解釋:「乜都寫過,乜獎都攞過,冇嘢難到我,冇挑戰就唔再寫。」當年林敏驄跟唔少巨星合作,只遺撼未能為鄧麗君寫詞,佢話:「當年我曾經有機會跟鄧麗君見面,嗰時我身邊仲有李小姐(李美鳳),佢真是好有星味,之後佢對我講:『我哋有機會合作呀!』可惜,無耐佢就過身,再冇呢個機會。」至於近年為何幫顏福偉廣告歌填詞,佢打趣話:「佢係油王呀!多錢嘛!哈!」林敏驄坦言過30年間,只有少部份嘅廣東歌係合格,仲未達到80年代嘅水準,佢話﹕「我聽頭一句,就知佢哋之後點寫。」不過阿聰都有讚剛合作完嘅黃偉文話﹕「Wyman算係OK,喺創作上,佢頗尊重我哋。」林敏驄曾經寫過唔少經典悲慘情歌,佢承認自己嘅感情經歷較悲慘,佢笑話:「係呀,慘情嘅時候先有靈感寫歌。開心嘅時候,就繼續開心啦。」當年林敏驄秘密跟大美人李美鳳結婚及離婚,之後雖然與第二任太太陳伶俐育有兩子,但最終都係離婚收場,問佢依家對婚姻仲有冇憧憬?林敏驄一反鬼馬,好正經咁話:「當然唔會諗!我現在係安於現狀,見過鬼都唔怕黑咩?結過婚之後,就好似人生遇到一個高人向我一語道破,我先恍然大悟,發覺自己係唔適合結婚。因為我哋做創作呢一行,係需要有好大嘅自由度同空間才能做到,而同時亦有好多事情需要兼顧,係好難嘅。你睇曾志偉,佢係唔會返屋企嘅,咁先能有空間,先能拍出咁多好電影。」佢坦言與前妻所生嘅兩個仔比較少見面,佢話﹕「因為現在嘅小朋友已經有自己嘅世界。」

林敏驄曾與李美鳳(右)和陳伶俐(左)結婚,但兩次都失敗收場。(資料圖片) 林敏驄接受梁泰來訪問。 林敏驄與陳伶俐育有兩個兒子。(資料圖片)
回復單身嘅林敏驄,身邊不乏索女埋身。(網絡截圖)

來源 source: http://s.nextmedia.com
鍾意就快D Share啦!