掃呢頁CODE去手機

2017年5月11日 星期四

【「由佢一句英文都唔識」】同成龍分手 陳自強:佢紅到有啲走火入魔 __,陳自強,成龍,

76歲嘅陳自強係70年代嘅著名經理人,當年佢旗下嘅藝人粒粒巨星,好似成龍、鍾楚紅、張曼玉同張學友都係佢啲仔女,但係08年成龍突然同陳自強終止咗合作關係 ...


76歲嘅陳自強係70年代嘅著名經理人,當年佢旗下嘅藝人粒粒巨星,好似成龍、鍾楚紅、張曼玉同張學友都係佢啲仔女,但係08年成龍突然同陳自強終止咗合作關係,「兄弟情」正式決裂,成龍大小事務改由其妻林鳳嬌接掌,但佢哋「分手」嘅箇中原因,一直成疑。直至陳自強同成龍「分手」6年後,即2014年,陳自強接受商台訪問時,就指成龍「走火入魔」,令佢無奈引退。陳自強喺節目中憶述,當年他是透過秦祥林認識成龍,陳自強謂與成龍從來冇簽過一紙合約,關係如兄弟:「我哋有粥食粥,有飯食飯。佢叫我brother,佢話自己唔識字,叫我幫手睇文件同劇本,幫佢分析。當年佢話『我唔會唔養你,我唔會唔理你』。」節目中,陳自強更爆成龍大鑊:「慢慢佢(成龍)紅到有啲走火入魔,已經唔再需要我幫,我又冇乜嘢可以幫到佢,同枱有好多大官,一係大有錢人同yes man,我嘅嘢唔再入耳,好多人想入我個位,有我喺度真係好煩。我知道好多人想take over個位,咁不如自己瀟灑咁離開,好過俾人話『終於被逼出嚟』。」同成龍合作三十幾年,陳自強坦言好唔捨得,亦感觸萬千:「真係好可惜,過去37、38年,佢由一句英文唔識,由我拖住佢、監佢上飛機,唔止係佢屋企嘢,仲係全個家庭。由祖名出世,到喺美國搵屋畀嬌姐(林鳳嬌)佢哋住。」訪問中,陳自強亦提到,99年吳綺莉懷龍種事件,成龍曾失言道出:「我犯了天下男人都會犯嘅錯」陳自強就否認當年佢有聯絡過吳綺莉講數:「當時好多軍師,最初用意係想講聖經中有女子被人用石頭掟死嘅故仔,想話好多男人會犯錯,點知佢講咗『天下男人都會犯的錯』,我哋都愕然。」雖然二人兄弟情不再,但後來成龍六十大壽時,陳自強都有出席,他稱:「大家冇尷尬,唔係殺父仇人。」前年元彪嫁女時,成龍同陳自強都係坐上客,而成龍都有主動上前搭陳自強嘅膊頭。

陳自強曾做成龍嘅經理人三十年。(資料圖片) 陳自強形容成龍走火入魔。(資料圖片) (資料圖片)
陳自強話聽到成龍以「我犯了天下男人都會犯的錯。」來形容吳綺莉事件,佢都好愕然。(資料圖片) (資料圖片) (資料圖片)
當年張曼玉同鍾楚紅都係陳自強旗下藝人。

來源 source: http://s.nextmedia.com
鍾意就快D Share啦!