掃呢頁CODE去手機

2017年5月22日 星期一

紅隧遇意外!許靖韻座駕被巴士撞尾 __,許靖韻,

人冇事就好喇!英皇歌手許靖韻(Angela)傍晚時份,有讀者目擊其駕駛的白色私家車,在香港駛入九龍方向的紅隧入口被尾隨巴士碰撞,之後為免阻塞隧道入口, ...


人冇事就好喇!

英皇歌手許靖韻(Angela)傍晚時份,有讀者目擊其駕駛的白色私家車,在香港駛入九龍方向的紅隧入口被尾隨巴士碰撞,之後為免阻塞隧道入口,私家車及巴士駛到旁邊等候處理,而Angela看似未有受傷,隨後有隧道職員及警員到場處理。不過,見Angela一臉「愁晒」,雖然目測其「愛驅」尾部只係「輕傷」,但見Angela個樣好心痛。

勁唔好意思

東網聯絡Angela,她驚魂未定憶述撞車過程:「等緊入隧道入口方向,可能當時落緊微微雨,路面濕滑,突然聽到『卡卡聲』好似碰咗一下,我都仲唔知發生乜事,係後座同事叫我停車話撞咗車先知。原來係巴士想轉線嗰下撞咗埋我右邊車尾,巴士司機都知係佢唔啱,有Say sorry。」Angela表示賠償問題會交由巴士公司處理,反而她最不好意思是對巴士乘客做成不便,因撞車地點不是可上落客地方,又要淋着雨。

洪卓立唔敢再做乘客

問到是否「新手牌」?Angela即言:「我揸咗四年車,都係第一次畀車撞。(見你望住架車好肉痛?)架車係阿爸嘅,我哋係兩份用嘅,我都第一時間打畀阿爸『報案』,佢都冇心痛架車撞咗,都即刻問我有冇受傷。」Angela稱車上除有同事外,其中一個乘客是洪卓立(Ken),阿Ken是坐「順風車」過海點知就撞車,她謂:「Ken話以後唔坐我嘅車,話同我八字唔夾喎。」

而隔接成為「受害者」的洪卓立亦笑言「後會無期」,他在私上facebook上載了一張圖,圖上寫住「經過生死一刻、半桶水漂移、超極速過彎、我決定以後都唔坐你車。後會無期」,看來阿Ken也怕了許靖韻呢!


來源 source: http://hk.on.cc
鍾意就快D Share啦!