掃呢頁CODE去手機

2017年5月4日 星期四

大台阿媽系列  66歲有米程可為仍單身:我唔需要伴 [壹週刊 - 1417] __,大台,程可為,TVB,M1,

探熱針大台阿媽系列 66歲有米程可為仍單身:我唔需要伴現年66歲的程可為,七二年第一期無綫藝員訓練班畢業,出道即被安排做女一,跟當家花旦趙雅芝以及高妙 ...


探熱針

大台阿媽系列  66歲有米程可為仍單身:我唔需要伴

現年 66歲的程可為,七二年第一期無綫藝員訓練班畢業,出道即被安排做女一,跟當家花旦趙雅芝以及高妙思等拍青春劇《乘風破浪》,又跟仍未嫁入富豪的最美麗港姐朱玲玲合作女性劇集《瑪麗關 77》。

朱玲玲趙雅芝同排

八三年移民加拿大,十四年後回流香港的她,卻變為女主角身邊的大媽惡家婆,她從沒有執着以前的風光年代,她說:「我冇唔捨得,人就係咁,就算俾你做重角色又點啫,年紀開始大,又負荷得咁辛苦。」她在古裝劇《紫禁驚雷》飾演老太后,更印證自己想法:「幾大壓力,慌死做得唔好,食嘢都唔開胃,我覺得唔使咁辛苦,有同事做得好,咪俾人發揮。」

程可為(上左一)跟最美麗港姐朱玲玲(中)合作的《瑪麗關 77》,還有繆騫人(上右一)、余安安(前左二)等一線花旦。

趙雅芝

程可為

在電視劇《乘風破浪》中,她扮演巴渣妹,跟趙雅芝是同學。

每六個月打一次 botox

自認不是高材生,卻是個乖學生,十多年前,什麼角色也會接拍的她,由早踩到夜,一日走三個廠。直至甲狀腺出現問題,做完手術,還要每六個月打 botox,將眼皮放鬆:「醫生話要打針將眼皮 release啲出嚟,遮住凸出嘅眼珠,因為甲亢病令眼珠肌肉脹大,冇辦法即刻收縮返。我拍《心花放》時,有啲 close up鏡頭會見到。」甲亢要長期服藥控制,她自此更小心身體。

《紫禁驚雷》是她重返無綫後,做得最有壓力的電視劇之一。

在《女警愛作戰》中扮臥底探員,瑪莉蓮夢露造型最令人深刻。

瞓住接受訪問

去年七月,她不小心跌傷腰骨,要停工瞓床休息,本來在電視劇《心理追兇》有「半裸」性感鏡頭,也臨時交由大她三年的馬海倫去演,成為一時話題。

「我好得七七八八,初時上身同下身好似黐唔埋咁。今次跌親,行動唔係咁醒目,而家都係瞓喺度同你做訪問。喺加拿大試過跌親,都係游水好番,希望夏天快啲到可以游水,等啲筋骨鬆番,唔係返工捱唔到。」程可為說。

演員是第一份工,當時聽從媽媽意見「唔好做啲咁辛苦嘅工」,因無綫尚位於廣播道,離她們家不遠,她更不想畢業後坐在家游手好閒,於是選擇做演員。撇除移民加拿大的十四年,一生人就只有這份工。

多年後,她跟發哥再合作,不過是電影《寒戰 2》,她在戲中飾演立法會議員。

1980年,程可為有份拍的電視劇《強人》,是無綫經典劇集之一。

開工食福臨門外賣

近年做慣惡死女人的她更扮過垃圾婆,但她不介意戲份多少。

從來不為錢打工的她,在大台開工食飯,甚至會叫富豪飯堂福臨門外賣,她解釋:「我只係喜歡食嘢,好似通告係下晝三點,我會先揀一啲自己鍾意食嘅地方,食完之後再打包多一份。好似我整花膠炆排骨,有時煮得大份啲,咪跟同事一齊分享。」

有指曾經有兩次結婚機會,都給她拒絕了,多年來抱獨身主義,她說:「梗係有人曾經令我心動,不過我後生搵到食,覺得冇必要搵個伴咁煩,而家好安樂,好享受。好多人恨結婚,覺得一個人 lonely,我唔需要有伴,唔好咁多煩惱,就係福氣嘞。」

勸出家莊文清三思

跟程可為同期出道的還有早年削髮為尼的莊文清,提起這位朋友,程可為表示曾在對方出家時勸她三思:「佢依家都唔要見我,呢個傻妹,以前我同佢好到不得了,我後生學人炒樓,都已經叫佢買一間,我話可以養過世,唔會教錯佢。佢當時買咗,到後期佢做尼姑,咪俾佢媽咪住。佢出家前,我同佢講唔使出家,離婚唔係咁大件事,我當時移民溫哥華,係投資移民,我去到嗰邊,可以申請埋佢過去。」

莊文清沒有聽她的意見, 91年出家法號衍藏,前夫是監製招振強。

莊文清在無綫拍劇時,跟周潤發、任達華都有合作。

莊文清

拍《心花放》時,程可為患了甲亢,她瘦了成個碼,更要戴眼鏡遮凸眼。

撰文:娛樂組

攝影、攝錄:蘇銘賢


鍾意就快D Share啦!