掃呢頁CODE去手機

2017年4月30日 星期日

與Oscar相識十年突然撻着 江若琳獲生煎包王射住官司一齊孭 __,Oscar,江若琳,蕭潤邦,

江若琳在愛的宣言中提到「多一個人」,惹來有喜疑雲。
與Oscar相識十年突然撻着江若琳獲生煎包王射住官司一齊孭與內地男星曹雲金甩拖半年的女星江若琳(Elanne),昨日和前組合Bliss成員兼「生煎包王 ...


與Oscar相識十年突然撻着 江若琳獲生煎包王射住官司一齊孭

與內地男星曹雲金甩拖半年的女星江若琳(Elanne),昨日和前組合Bliss成員兼「生煎包王」蕭潤邦(Oscar)在網上宣布由相識十年的朋友升呢戀人!Oscar更公開示愛:「在未來的日子,你嘅船係我,你嘅燈塔係我,連岸亦都會係我!」對於Elanne近年負擔過百萬的龐大律師費,坐擁五間生煎包店、一間西餐廳的Oscar,自言是對方的「大燈柱」照起對方:「有仗要打,就一齊打!」

現年29歲的女星江若琳(Elanne)於去年9月生日,宣布與內地男星曹雲金分手,昨日她突然在網上宣布,與前組合Bliss成員、坐擁六間食肆的蕭潤邦(Oscar)撻着,由十年的朋友關係昇華至戀人!兩人更不約而同在社交網上載在旺角街頭挨到實的甜蜜背影,Oscar更引用Elanne新歌《小燈塔》冧爆示愛:「在未來的日子,你嘅船係我,你嘅燈塔係我,連岸亦都會係我!」

雖然Oscar去年曾表示有一名拍拖多年的空姐女友,並計劃拉埋天窗兼置業,但最終覓得真命天女卻是Elanne。Elanne亦隨即發表愛的宣言:「對的,我找到了,一個懂我、愛我的人,在未來的日子裏,一如10年來的不離不棄,更多的是,我們會帶着多一個人的支持、多一個人的力量繼續努力。」

否認有餡

身在內地拍戲的Elanne接受本報電話訪問,問到發文中提及「多一個人」惹來有孕疑雲,她急澄清:「大家唔好諗多咗!呢件係希望同大家開心share嘅一件事,望大家可以畀多啲空間我哋!」而Elanne的經理人Cero亦補充,否認兩人好事近,Cero說:「Elanne唔鍾意收收埋埋,未到結婚階段。(Elanne視男方為結婚對象?)佢每次拍拖都好認真,希望開花結果,將來嘅嘢冇人知。」

至於忙為大埔新店張羅的Oscar,昨日身在深圳購買廚具,接受本報訪問時亦否認Elanne有B,他說:「撞鬼咩!其實佢意思係話多咗我咋!為免有一日畀人見到我哋拖手咁奇怪,咪(公開)囉!佢係一個好孝順嘅女仔,開口埋口都講屋企人。」

坐擁六間食肆的Oscar,直言會為女友江若琳孭起官司費用。
  • 坐擁六間食肆的Oscar,直言會為女友江若琳孭起官司費用。
兩人在社交網上載甜蜜背影照公告戀情。
  • 兩人在社交網上載甜蜜背影照公告戀情。

自嘲「大燈柱」

Elanne自2014年開始與前公司打官司,為應付過百萬以上的龐大律師費,不時中港兩邊走撲水,她曾揚言每月要有六位數以上收入,才可應付官司費用及生活費。對於Elanne的重擔,Oscar則man爆表示是對方的「大燈柱」,擺明「射」住女友:「我同佢一樣都係一個人撐起頭家,之前我面對困難,佢依家都要面對好多嘢,有場仗要打,就一齊打!(支援佢?)我哋會一齊面對,我都試過冇錢,由零開始。」正準備開第六間分店的Oscar,據知還打算今年內於荃灣及北區再開兩間分店,拓展飲食王國的版圖。

Oscar的食店深受圈中人歡迎,更有意擴大其飲食王國版圖。
  • Oscar的食店深受圈中人歡迎,更有意擴大其飲食王國版圖。
兩人相識於入行時,共同度過十年光陰。
  • 兩人相識於入行時,共同度過十年光陰。
江若琳於去年9月與內地男友曹雲金分手。
  • 江若琳於去年9月與內地男友曹雲金分手。

文:專案組

採:音樂組


鍾意就快D Share啦!