掃呢頁CODE去手機

2017年4月22日 星期六

【同一答案老是常出現】死撐酒店撞到莊天龍 傅嘉莉:一大班人去o架 __,傅嘉莉,

星運暗淡過桃花運嘅傅嘉莉(Kelly),喺14年俾《蘋果》影到喺車廂啜爆已婚嘅新加坡富豪肥叔叔LowCheckKian(新聞連結:http://bit ...


星運暗淡過桃花運嘅傅嘉莉(Kelly),喺14年俾《蘋果》影到喺車廂啜爆已婚嘅新加坡富豪肥叔叔Low Check Kian(新聞連結:http://bit.ly/2oz56n5)後,之後又有外遊親密照流出,被爆佢搭上法拉利代理、已婚富豪莊天龍(Benny)。雖然多次斷正,不過傅嘉莉誓神劈願,堅稱自己從來冇做第三者,仲話報道無中生有!之後有周刊踢爆佢同另一富豪B交往,當時傅嘉莉急起上嚟,就話富豪B同莊天龍佢都唔識。佢當時話:「嗰啲人物我唔識,都冇呢啲事。」(新聞連結:http://bit.ly/2p5Hxq9 )傅嘉莉呢頭講完話唔識嗰啲人物,點知講完冇耐,喺上個月有《蘋果》讀者捕獲傅嘉莉,喺峴港同莊天龍喺酒店做完spa後嘆茶,全程仲坐得好埋兼態度親蜜!男方着住孖煙囪,女方着火辣泳衣,兩個貼住坐傾到心花怒放。(新聞連結:http://bit.ly/2ouXsNO)今日傅嘉莉喺大埔出席活動,咁當然大家都好關心呢件事今日傅嘉莉着白色衫襯紅色裙,笑晒口同現場觀眾玩遊戲,雖然得數位fans撐場,但傅嘉莉心情睇嚟唔錯。活動完後記者即追問佢同莊天龍關係,傅嘉莉即刻露出一副委屈樣話:「呢個報道係一個好大嘅誤會,其實係一班朋友邀請我參加一個私人活動,咁啱撞到佢(莊天龍)傾幾句Say個Hi!」記者追問相中人係咪佢同莊天龍,傅嘉莉九秒九答係,佢繼續話:「只係咁啱撞到,傾吓偈啫,個trip好多人去。」記者反問佢根據讀者所講,只見到佢一個人上機一個人走。傅就解釋話:「咁我哋唔同時段去嘛,只不過佢(讀者)見唔到啫!」上次同莊天龍歐遊,傅嘉莉甜蜜啜男方塊面,佢解釋話係一大班人去,啜面只係飲大咗,如今去峴港,又係話一大班人去,其實……呢個答案嚟緊仲會出現幾多次?

(攝影:沈健程) 上個月有《蘋果》讀者見到傅嘉莉同莊天龍峴港酒店蜜會。 當時男嘅着住孖煙囪,女嘅着火辣泳衣,二人貼住坐,仲笑得好鬼開心,不過依據傅嘉莉今日所講,原來佢當日只係同對方say個hi。(資料圖片)
同肥叔叔啜爆車廂,依據傅嘉莉講只係角度嘅問題,佢話唔希望再有呢啲報道出街喎!(資料圖片) 傅嘉莉同新加坡富豪肥叔叔Low Check Kian。(資料圖片)

來源 source: http://s.nextmedia.com
鍾意就快D Share啦!