掃呢頁CODE去手機

2017年4月6日 星期四

奶奶錫到燶  Miki養和頂級套房生 B [壹週刊 - 1413] __,Miki,楊愛瑾,M1,

粗身大細的Miki,沿途同老公一直拖到實。娛樂偵訊奶奶錫到燶 Miki養和頂級套房生B上年十一月宣布造人成功的楊愛瑾,早前就同老公郭永淳一齊影大肚寫真 ...


粗身大細的 Miki,沿途同老公一直拖到實。

娛樂偵訊

奶奶錫到燶  Miki養和頂級套房生 B

上年十一月宣布造人成功的楊愛瑾,早前就同老公郭永淳一齊影大肚寫真,佗住九個月 B,完全無孕婦水腫,得天獨厚。

BB將於今個月出世, Miki已經做足準備,日前就同老公去揀定 BB車,而身任養和董事局成員的奶奶,更 book定頂級套房,俾新抱仔生 B!

自然分娩

三十二歲的楊愛瑾,同永安太子爺郭永淳拍拖八年,終於排除萬難在上年四月拉埋天窗,有情人終成眷屬! Miki更火速造人成功,預產期在今個月。

「始終老公屋企有頭有面,唔係咁想 Miki拋頭露面,結婚前 Miki已經決定減產,只係間中出席吓活動,大肚之後,老公好緊張,更加唔想佢操勞!」 Miki友人說。

話晒第一胎, Miki好想留住大肚婆最美一刻,早前就同老公影大肚寫真,由於計劃自然分娩, Miki佗 B之後,仲 keep住做運動。

「 Miki本身係好鍾意運動,佗 B之後都無偷懶,佢仲拉埋老公一齊 keep,阿淳更加 keep到六嚿腹肌!」

佗住巨肚, Miki要不時用手撐住條腰。

大肚婆易攰,睇 BB車廿分鐘, Miki一度要坐低抖一抖。

Miki向後褪,郭永淳即刻伸手扶一扶老婆。

郭永淳為 Miki開埋車門,相當體貼。

一齊 keep

BB下月出世,兩公婆已不停為 BB添置用品,日前,兩人就專登去中環萬宜大廈揀 BB車。

雖然已經佗 B九個月,但 Miki個肚唔算太大,而且手腳面頰都無水腫,同老公喺皇后大道行去萬宜大廈,步伐依然好輕盈,原本一支箭入咗間孕婦 BB用品店,但無耐兩人又行番出嚟,原來大肚婆人有三急, Miki去洗手間,老公就企埋一邊等佢。

兩人之後入番 BB用品店,似乎早有心水揀 BB車,見 sales姐姐細心講解,郭永淳又推住 BB車研究,揀咗廿分鐘,終於買到心頭愛。

自從升呢做少奶奶, Miki出入都有司機接載,當日買完嘢,另有工作的郭永淳先送老婆上車,細心的他更開埋車門俾老婆。

第一次佗 B, Miki同老公影大肚寫真留念。

好友搞迎 B派對,賀 Miki快做媽咪。

家族顯赫

郭永淳出身上流社會,父親郭志權是永安百貨創辦人郭泉之孫,至於外祖父李樹培,加入養和醫院 80年,領導醫院近半個世紀,是養和醫院董事局前主席,律師出身的母親李宛群,也是養和董事局成員,舅父李維達則是養和院長,連 Joyce Boutique的創辦人馬郭志清( Joyce Ma),也是家族成員之一。

撰文、攝影、攝錄:娛樂組


鍾意就快D Share啦!